¹⁰ Báwo làwọn ọmọ ogun Dáfídì tí wọ́n ń ṣiṣẹ́ àṣekára yìí ṣe máa ń ṣe sí àwọn darandaran Nábálì? Tó bá wù wọ́n, wọ́n lè máa pa àgùntàn wọn jẹ lẹ́ẹ̀kọ̀ọ̀kan, àmọ́ wọn kò ṣe bẹ́ẹ̀. Kàkà bẹ́ẹ̀, ṣe ni wọ́n dà bí ògiri tó ń dàábò bo agbo ẹran àtàwọn ìránṣẹ́ Nábálì. (Ka 1 Sámúẹ́lì 25:15, 16.) Ìdí ni pé ọ̀pọ̀ ewu ló máa ń wu àwọn àgùntàn àti àwọn tó ń dà wọ́n. Àwọn ẹranko ẹhànnà pọ̀ níbẹ̀ gan-an. Ààlà ilẹ̀ Ísírẹ́lì lápá gúúsù ò sì jìnnà síbẹ̀, torí náà àwọn onísùnmọ̀mí àti àwọn olè máa ń ti ilẹ̀ ibòmíì wá ṣọṣẹ́ lágbègbè náà lọ́pọ̀ ìgbà.b