6-8. Àsọtẹ́lẹ̀ wo ló wà nínú Sefanáyà 1:4-6, báwo ló sì ṣe nímùúṣẹ ní Júdà ìgbàanì?

⁶ Sefanáyà 1:4-6 sàsọtẹ́lẹ̀ ohun tí Ọlọ́run yóò ṣe sí àwọn olùjọsìn èké, pé: “Èmi yóò sì na ọwọ́ mi jáde lòdì sí Júdà àti lòdì sí gbogbo àwọn olùgbé Jerúsálẹ́mù, èmi yóò sì ké àwọn tí ó ṣẹ́ kù nínú Báálì kúrò ní ibí yìí, àti orúkọ àwọn àlùfáà ọlọ́run ilẹ̀ òkèèrè pa pọ̀ pẹ̀lú àwọn àlùfáà, àti àwọn tí ń tẹrí ba fún ẹgbẹ́ ọmọ ogun ọ̀run lórí àwọn òrùlé, àti àwọn tí ń tẹrí ba, tí ń búra fún Jèhófà, tí ó sì ń fi Málíkámù búra; àti àwọn tí ń fà sẹ́yìn kúrò ní títọ Jèhófà lẹ́yìn, tí wọn kò sì wá Jèhófà, tí wọn kò sì ṣe ìwádìí nípa rẹ̀.”

9. (a) Kí ni Kirisẹ́ńdọ̀mù jẹ̀bi rẹ̀? (b) Láìdàbí àwọn aláìṣòótọ́ ní Júdà, kí ló yẹ ká pinnu láti ṣe?

⁹ Gbogbo èyí rán wa létí Kirisẹ́ńdọ̀mù, tó ti ri ara bọnú ìjọsìn èké àti ìwòràwọ̀ bámúbámú. Ipa tó sì kó nínú fífi ẹ̀mí àràádọ́ta ọ̀kẹ́ èèyàn rúbọ nínú àwọn ogun tí àwọn àlùfáà ṣètìlẹyìn fún ń kóni nírìíra burúkú-burúkú! Ẹ má ṣe jẹ́ ká dà bí àwọn aláìṣòótọ́ ní Júdà, tí wọ́n “fà sẹ́yìn kúrò ní títọ Jèhófà lẹ́yìn,” tí wọn kò náání rẹ̀, tí wọn kò wá a, tí wọn kò sì wá ìtọ́sọ́nà rẹ̀ mọ́. Kàkà bẹ́ẹ̀, ẹ jẹ́ ká pa ìwà títọ́ wa mọ́ sí Ọlọ́run.