“Jèhófà Ni Olùṣọ́ Àgùntàn Mi”

1. Jèhófà ni Olùṣọ́ mi;

Ọkàn mi balẹ̀ pẹ̀sẹ̀.

Ìfẹ́ tòótọ́ tó fi hàn sí mi

Ló mú mi wà lálàáfíà.

Oúnjẹ tẹ̀mí rẹ̀ gbé mi ró,

Ó fún mi lókun tó yẹ.

Ó mú mi mọ ọ̀nà òtítọ́ rẹ̀,

Kí nlè máa gbénú ‘lé rẹ̀.

Ó mú mi mọ ọ̀nà òtítọ́,

Kí n lè máa gbénú ‘lé rẹ̀.

2. Ìtura àìlẹ́gbẹ́ lèyí;

Ọ̀nà òdodo Rẹ̀ pọ̀.

Olùṣọ́ Àgbà ni Jèhófà,

Kò ní jẹ́ kí n ṣáko lọ.

B’Éṣù tilẹ̀ halẹ̀ mọ́ mi,

‘Jáà ń fọ̀pá rẹ̀ darí mi’

Síbi tí kò ní sí ìbẹ̀rù mọ́,

Tí kò ní sípayà mọ́;

Síbi tí kò ní síbẹ̀rù mọ́,

Tí kò ní sípayà mọ́.

3. Jèhófà jẹ́ ọ̀rẹ́ tòótọ́,

Ẹni tó ṣeé fi yangàn.

Ìgbẹ́kẹ̀lé rẹ̀ dá mi lójú;

Kò ṣeé fọwọ́ rọ́ sẹ́yìn.

Bàbá aláàánú ni Jáà jẹ́,

Tí kì í fọ̀rọ̀ mi ṣeré.

Jẹ́ kí ìfẹ́ rẹ máa ṣamọ̀nà mi

Sípa ọ̀nà òdodo.

Jẹ́ kífẹ̀ẹ́ rẹ máa ṣamọ̀nà mi

Sípa ọ̀nà òdodo.