2. (a) Báwo la ṣe lè fi ẹsẹ Ìwé Mímọ́ bẹ̀rẹ̀ ọ̀rọ̀ wa? (b) Àwọn ẹ̀kọ́ Ìwé Mímọ́ wo làwọn èèyàn máa ń nífẹ̀ẹ́ sí ní ìpínlẹ̀ ìjọ?

² Fi Ẹsẹ Ìwé Mímọ́ Bẹ̀rẹ̀ Ọ̀rọ̀ Rẹ: Bí àwọn akéde kan bá fẹ́ bẹ̀rẹ̀ ọ̀rọ̀ wọn, wọ́n á béèrè ìbéèrè kan tí onílé á fi sọ èrò rẹ̀ lórí ẹsẹ Bíbélì tí wọ́n máa kà lẹ́yìn ìbéèrè náà. Èyí á jẹ́ kí wọ́n lè tètè mú Ọ̀rọ̀ Ọlọ́run wọnú ìfọ̀rọ̀wérọ̀ náà. Ǹjẹ́ o lè lo díẹ̀ lára àwọn ìnasẹ̀ ọ̀rọ̀ tó wà nísàlẹ̀ wọ̀nyí ní ìpínlẹ̀ ìjọ yín?

Ohun Tí O Lè Sọ Nípa Àwọn Ìwé Ìròyìn

Ile Ìṣọ́ Sept. 15

“Ọ̀kẹ́ àìmọye èèyàn máa ń mẹ́nu kan ọ̀rọ̀ inú Bíbélì yìí tí wọ́n bá ń gbàdúrà. [Ka Mátíù 6:10.] Báwo lo rò pé ìgbésí ayé wa á ṣe rí bí a bá ń ṣe ìfẹ́ Ọlọ́run lẹ́kùn-únrẹ́rẹ́ lórí ilẹ̀ ayé? [Jẹ́ kó fèsì.] Ìwé ìròyìn yìí sọ ìtumọ̀ apá kọ̀ọ̀kan nínú Àdúrà Olúwa, títí kan apá ibi tá a ṣẹ̀ṣẹ̀ kà yìí.”

Ile Ìṣọ́ Oct. 1

“Gbogbo wa là ń fẹ́ kí òpin dé bá ìwà ipá, ìwà ọ̀daràn àti ogun. Ǹjẹ́ o rò pé ọ̀rọ̀ inú Bíbélì yìí lè ṣẹ? [Ka Sáàmù 37:11. Lẹ́yìn náà jẹ́ kó fèsì.] Ìwé ìròyìn yìí sọ bí ìlérí yìí ṣe jẹ mọ́ ohun tí Ọlọ́run ní lọ́kàn ní ìbẹ̀rẹ̀pẹ̀pẹ̀ láti ṣe fún aráyé àti bá a ṣe lè nípìn-ín nínú ìbùkún yìí.”

Jí! Oct. 8

“Ọ̀pọ̀ èèyàn ló ń ṣàníyàn nípa ìṣòro kan tó ń gbilẹ̀ láàárín àwọn ọ̀dọ́, ìyẹn ni mímutí àmuyíràá. Ǹjẹ́ o ti gbọ́ nípa rẹ̀? [Jẹ́ kó fèsì. Lẹ́yìn náà ka Òwe 20:1.] Onírúurú ewu ló wà fáwọn ọ̀dọ́ tó ń mutí àmuyíràá. Àpilẹ̀kọ yìí ṣàlàyé àwọn ohun tó lè ràn wọ́n lọ́wọ́ kí wọ́n má bàa di onímukúmu.”

“Ǹjẹ́ kì í ṣe ohun ìbànújẹ́ pé lọ́dọọdún, ọ̀kẹ́ àìmọye ọ̀dọ́mọbìnrin tí kò tíì lọ́kọ ló ń gboyún? [Jẹ́ kó fèsì.] Ìwé ìròyìn yìí sọ àwọn ohun tí wọ́n lè ṣe nípa ọ̀pọ̀ ìṣòro tó ń dojú kọ àwọn ọ̀dọ́ abiyamọ. Ó tún ṣàlàyé bí àwọn òbí ṣe lè ran àwọn ọmọ wọn lọ́wọ́ kí wọ́n má bàa kó sí ìṣòro yìí.” Ka 2 Tímótì 3:15.