KIUVU 10
Mbi Kibibila kinkanikisa?
“Batu basonga bala tambula ntoto banga kiuka ayi bala zingila muawu mvu ka mvu.”
Minkunga 37:29
“Ntoto wala kadidila mvu ka mvu.”
Mpovi 1:4
“Nandi wala manisa lufua mvu ka mvu, ayi Mfumu’itu Yave Lutidi Zangama wala fiona matsuela mu mesu ma batu boso.”
Yesaya 25:8
“Mu thangu beni bafua mesu bala mona, ayi bafua matu bala kuwa. Mu thangu beni batu babela malu, bala zotuka buka zingulungu. Ludimi lu batu bakhambu kolukanga luala tenduka mu mayangi. Kibila minlangu miala basika mu zithandu, ayi khuka minlangu yala kumba mu zithandu ziyuma.”
Yesaya 35:5, 6
“Nandi wala fiona matsuela moso mu mesu mawu, ayi lufua lualasa bue ba ko, kiunda ki lufua, kialasa bue ba ko, bidilu ayi ziphasi, bialasa bue ba ko. Kibila mambu maphasi mameni.”
“Bala tunga zinzo ayi bela kala muawu, bala vata zitsola ayi bala dia mimbutu. Bawu balasa tunga ko muingi bankaka bakala, ayi balasa vata ko muingi bankaka badia. Kibila dikabu diama bala zinga bilumbu biwombo buka bunzingilanga nti, ayi bawu bala baka ndandu mu bisalu biawu.”
Yesaya 65:21, 22