KIUVU 16
Mbi tufueti vanga muingi tubika kuazuka beni?
“Yekula bizitu biaku kuidi Yave, ayi nandi wala kusadisa. Kalasa bika ko mutu wusonga kabua.”
Minkunga 55:22
“Makani ma mutu widi nduenga mantuadisanga ndandu, vayi batu boso bakhambu fionguninanga makani mawu, bansukilanga mu buphumbulu.”
Zingana 21:5
“Bika kumona boma, bila minu yidi yaku. Bika kumona dibamu, bila minu yidi Nzambi’aku. Yela kukindisa, ngete, yela kusadisa, yela kusimba mu koko kuami ku lubakala ku lunungu.”
Yesaya 41:10
“Nani mu benu kheti mu kukuazukila ngolo, kalenda buela bilumbu bi luzingu luandi?”
“Lubika kuazuka beni mu matedi kilumbu kinlanda, kibila kilumbu beni mvandi, kiala ba na mambu mandi ma kukuazukila. Vayi yindula to mu mambu ma bubu.”
“Mvandi, bika lutatamana kusikika mayindu minu mu mambu malutidi nkinza.”
“Bikanu kukuazuka mu kioso kua kiuma, vayi sambilanganu kuidi Nzambi, lombanu muingi ka muvana thuadusulu mu mambu moso ayi ntondanganu. Benu kuvanga mawu, ndembama yi Nzambi yilutidi diela dioso, yala kieba mintima minu ayi mayindu minu, mu nzila Yesu Klistu.”