ZINGILA MU BUKLISTO

Dyambu Dimona di Lukutukunu va Khati Sabala

Kutona mu Ngonda Yitheti mu mvu 2018, lukutukunu lumvangamanga va khati sabala tunkwiza tona tsudukusu yi matangu va wanda ayi zivideo zi edição de estudo on-line da Tradução do Novo Mundo da Biblia Sagrada (nwtsty) kheti yisi ko mu mbembo wunkolukanga. Bukyedika, tsudukusu beni yinkwiza kusadisa kukubika mboti zikhutukunu. Bilutidi nkinza kuzaba ti mawu malenda kuvanga wubwela fikama Tat’itu yi luzolo, Yave.

TSUDUKUSU YI MATANGU VA WANDA

Yintwala mambu mamfunu madi mu matangu ma Kibibila ma mantubila bikhulu, mavula ayi tsudukusu yi bikuma biwombo.

Matai 12:20

Nsifu wu muinda: Wuba mwinda baba tulanga mu lulonga lulwelu ayi baba sadilanga ku nzo. Kiba kyuma kilwelo kivangulu mu tuma voti tuphandu baba wesanga nzeta. Nsifu wu nsinga wawu waba titikanga nzeta mwingi mbazu yitatamana kulema. Mu Kingeleko “nsifu wu muinda” wulenda sundula mwa nsifu wumbasika mwisi kibila wukhidi mwa mbazu. Mbikudulu yidi mu buku yi Yesaya 42:3 yibikula matedi kyadi Yesu kadi; Nandi kalendi manisa ko kivuvu kidi mu batu ba kuyikululanga.

Matai 26:13

Bukyedika: Mu Kingeleko, a·menʹ [Thubulu: ämēnʹ], mu ki Ebeleo ʼa·menʹ [Thubulu: ämānʹ], mansudula “buawu bufweni bela,” voti “bukyedika.” Yesu wusadila kikuma akiki mwingi kutuba dyambu, lukanu, mbikudulu, voti mwingi kubwela monisa ti mo kantuba makyedika ayi mala salama. Bo Yesu kasadila kikuma “bukyedika,” voti amen, kiawu kibila bantubilanga ti nandi to wusadila kiawu mu phila ayiyi mu Kibibila. Ba kutubila kiawu mu zikhumbu zilandakana (a·menʹ a·menʹ), malenda ba dedi madi mu buku yi Yoane, kikuma Yesu kasadila basekudila kiawu dedi “bukyedika ndikulukamba.”—Yoane 1:51.

BIMONA MESO BIDI MU KHONDI MAYO

Zifoto, zifikula, zivideo zikhambu mbembo zimmonisa bifwani bikhulu ayi mambu mawombo madi mu Kibibila.

Befetangi, Mongo Minti mi Olive ayi Yelusalemi

Kitini ki video ayiyi yimmonisa nzila yimfikika Yelusalemi ku khonzo este, va divula bantedilanga bubu et-Tur [Thubulu: et-türʹ]—vawu vaba divula di Befetangi mu thangu yikhulu—ti ku kibwangu kilutidi nangama ku Mongo Minti mi Olive. Betani yidi ku leste Befetangi kuwanda Mongo Minti mi Olive. Bo baba kwendanga ku Yelusalemi, Yesu ayi minlandikini myandi baba vyokisanga bwilu ku Betani, bubu bamana tedila divula beni el-ʽAzariyeh [el ʽA-zar-i-yeh] [Thubulu: el azärēʹyə] (El ʽEizariya [El ʽEi-zar-i-ya] [Thubulu: el īzȧrēʹyə]), dizina mu Árabe dinsundula “Kibwangu ki Lazalo.” Bukyedika, Yesu wuba ku nzo Malata, Malia ayi Lazalo. (Matai 21:17; Malako 11:11; Luka 21:37; Yoane 11:1) Bo kaba botukanga ku nzo’andi mwingi kwenda ku Yelusalemi, ḿba Yesu waba landakananga nzila tuma mona mu video. Mu ngonda Nisa mu kilumbu 9, mu mvu 33 T.K., bo Yesu kamaka va mbata phunda ku Mongo Minti mi Olive ti ku Yelusalemi, ḿba wuvangila mawu ku Befetangi ayi wulandakana nzila yinkwendila ti ku Yelusalemi.

Nzila Yinkwendila ku Betani ti ku Befetangi
Befetangi
Mongo Minti mi Olive
Mbwinga wu Sediloni
Mongo wu Nzo Yinlongo

Lusese mu Mvesi wu Kikodi

Awuwu widi mvesi wu kikodi ki mutu batobula mu lusese luba lukula dedi 11.5 cm (4.5 polegadas). Babakula wutheti mu mvu 1968, mu thangu baba sika ku khonzo norte yi Yelusalemi, ayi wawu widi tona mu thangu basi Loma. Mawu matusadisa kuzaba ti mu kyedika mu thangu yikhulu basadila zisese mwingi kubanda mutu va dikunzi. Lusese beni lulenda dedakana na zisese zi masodi ma Loma basadila mwingi kubanda Yesu va dikunzi. Babakula mvesi beni ku khati kasu yi mamanya baba tanguninanga ossuário muawu baba tulanga mimvesi mi mutu wufwa bo nsuni wuntona kubola. Mammonisa ti batu baba vondanga va dikunzi baba ku bazikanga.—Matai 27:35.