Buela Baka Ndandu mu Ndongukulu yi Kibibila yi Ngieveka

KIBILA MBI MADIDI NKINZA: Ndongukulu yi befu veka yi diambu di Nzambi yilenda tusadisa “sudikisa kutola, kukula, phinda ayi zangama” yi kiedika ki Nzambi. (Efeso 3:18) Ayi mvandi mala kutusadisa kutatamana kuba kukhambu kibila mu nza ayiyi yimbi ayi kutatamana ‘kuba bakangama mu diambu di luzingu.’ (Filipi 2:15, 16) Ndongukulu yi befu veka yi diambu di Nzambi, yitusadisanga kusola mambu tuntomba. Mbi tufueti vanga muingi tuluta baka ndandu bo tuntanga ayi tunlonguka Kibibila?

BUIDI TULENDA VANGILA MAWU:

• Sonika matangu ma Kibibila ayi mambu mankinza wumbaka ndandu mu Kibibila kiaku ki kulongukila, kheti mu telefoni kidi voti ndamba.

• Wukivana biuvu abibi bo wuntanga diambu di Nzambi: Mbi? Nani? Buidi? Thangu mbi? Kuidi? Kibibila mbi?’

• Tomba bivisa. Sadila bisadulu bi kufiongunina tuidi, tomba mambu beni mu kusadila ntu diambu voti mu kutula matangu ma Kibibila mantubila mawu.

• Yindula mambu wuntanga muingi wuzaba buidi mawu malenda ku kusadisila

• Sadila mambu wunlonguka kadika ka kilumbu mu luzingu luaku—Luka 6:47, 48

TALANU VIDEO “TATAMANA KUBA WUKINDAMA MU KIPHEVE”—MU KUVANGA NDONGUKULU YI KIBIBILA YI NGIEVEKA, AYI VANA MIMVUTU MI BIUVU BINLANDA:

• Mambu mbi bankaka batuba mu matedi ndongukulu yi ngieveka?

• Kibila mbi tufueti toninanga ndongukulu’itu yi Kibibila mu nsambu?

• Mbi bilenda kutusadisa tuluta visa matangu ma Kibibila tuntanga?

• Phila zindimba mbi tulenda tula mu Kibibila kitu ki kulongukila?

• Kibila mbi kuyindula bu kusadila mambu tunlonguka nkinza beni bo tunlonguka Kibibila?

• Mbi tufueti vanga mu mambu tunlonguka?