Kieba Kinkundi Kiaku na Yave

Zimbangi zi Yave bakivana ayi babotama, badi luaku lunneni lu kuba bakundi ba Nzambi. Ayi befu kutatamana kukieba kikundi beni, kiawu kiala luta ba kikinda. Yave wutu tumisa mu kimvuka kiandi mu nzila Muan’andi. (Yoane 6:44) Ayi nandi wunkuwanga minsambu mitu.—Minkunga 34:15.

Buidi tulenda kiebila kikundi kitu na Yave? Buboti kubika vanga mambu mambi dedi mo basi Isaeli bavanga. Vasa vioka ko beni thangu bo Yave kavanga yawu luwawanu, bawu bayiza zimbisa luaku beni bo bavanga kitumba ki wola muingi kubuongimina. (Esodu 32:7, 8; 1 Kolinto 10:7, 11, 14) Diawu tufueti kuyikuvusa: ‘Mbi yimvanganga bo mayindu ma kuvanga mambu mambi ma kukhuizilanga? Bukiedika ti mavanga mami mammonisanga ti yimvananga luvalu kikundi kiama na Yave?’ Befu kuzola Yave mu ntima woso, mawu mala tusadisa kubika vanga mambu nandi kanlendanga.—Minkunga 97:10.

TALANU VIDEO KIEBA KINKUNDI KIAKU NA YAVE (KOLOSAI 3:5), BOSI VANA MIMVUTU MI BIUVU BINLANDA:

• Mbi binsundula kuzinina biuma bingana?

• Kibila mbi widi ntambu wunneni kutomba kubaka beni zimbongo ayi kukota mu mbuongimini yi luvunu?

• Nguizani mbi kitsuza va dikuela yidi na mbuongimini yi zinzambi zinkaka?

• Kibila mbi zikhomba badi biyeku mu kimvuka ki Yave, bawu bafueti luta kieba zitsatu zi bakazi bawu?