KIUKA KIDI MU DIAMBU DI NZAMBI | ESODU 35-36

Yave Wutuvananga Nduenga Muingi Tuvanga Kisalu Kiandi

Phevi yinlongo yivana nduenga ayi mangolo kuidi Besaleli ayi Yobabi muingi batunga nzo yinlongo ayi biabioso biba kuna. (Tala foto yidi va thonono) Bubu mvandi, Yave wumvananga phevi yinlongo kuidi bisadi biandi. Mbi tufueti vanga muingi tutambula yawu?

Tufueti dindanga Yave phevi’andi yinlongo muingi yituvana mangolo ma kununga kiosokua kiyeku tuntambula mu kisalu kiandi.
Tufueti longukanga Diambu di Nzambi.
Tufueti vanga mamoso tunnunga mu kiosokua kiyeku tuntambula.

Ndandasani yi zifoto: Zimbangi zi Yave badi mu kubuela mioko bisalu bi Kintinu mu ziphila ziviakana. 1. Zikhomba zi bakieto badi mu kubuela mioko mu kisalu ki kutunga. 2. Khomba yimueka wu dibakala widi mu kubama muingi kutuadisa dilongi di ‘Kibanga ki Nsungi’. 3. Khomba yimueka widi mu kuvana kimbangi dibakala dimueka wunsumbisanga biuma ayi khomba wunkaka babasika yandi widi mu kutala boti vadi batu banlendanga zitsangu zitu. 4. Nnuni ayi nkazi badi mu kikola ki Minsamuni mi Kintinu.

Mbi Yave kalenda ku kusadisa kuvanga mu kisalu kiandi?