Ziphila Zitatu zi Kufiatila Yave

Davidi wununga Ngoliati kibila waba fiatilanga Yave. (1 Samueli 17:45) Yave widi wukubama muingi kumonisa mangolo mandi kuidi bisadi biandi. (2 Lusansu 16:9) Buidi tulenda monisina ti tumfiatilanga mu lusalusu lu Yave, kubika kuandi mu mangolo ayi mu ndueng’itu? Tala mambu matatu tufueti vanga:

• Tatamana kusambila. Bika to kusambila muingi Yave kalemvukila zinzimbala wumvanga vayi dindanga mvandi mangolo muingi wununga zithotolo. (Matai 6:12, 13) Bika to kusambila muingi Yave kasakumuna makani bebaka vayi dindanga thuadusulu ayi nduenga’andi ava kubaka makani.—Yakobi 1:5

• Tanganga ayi Longukanga Kibibila. Tanganga Kibibila kadika kilumbu. (Minkunga 1:2) Botula thangu muingi wuyindula mu bifuani bi Kibibila ayi sadila mambu widi mu kulonguka. (Yakobi 1:23-25) Kubama ava kubasika mu kisalu ki kusamuna ayi bika kufiatila mu ndueng’aku. Baka ndandu mu zikhutukunu mu kubotulanga thangu muingi kukubikanga mambu munkuiza longuka

• Sala mu kithuadi na kimvuka ki Yave. Landakananga zithuadusulu zimfuminanga mu kimvuka ki Yave ayi sadilanga ziawu mu nzaki. (Zintalu 9:17) Kikinina malongi ayi zithuadusulu bakulutu ba kimvuka ba kuvana.—Ebeleo 13:17

TALANU VIDEO BIKA KUMONA BOMA BU ZINZOMONU, BOSI VANANU MIMVUTU MI BIUVU BINLANDA:

• Mambu mbi maba tula boma zikhomba zi babakala ayi zi bakieto?

• Mbi biba sadisa kununga boma beni?