6-12 NGONDA YINTANU

MINKUNGA 36–37

Nkunga 87 ayi Nsambu | Tubila Mambu Tuanlonguka (min. 1)

KIUKA KIDI MU DIAMBU DI NZAMBI

1. ‘Bika Kuvonga Mu Kibila Ki Bankua Mambi’

(10 min.)

Bankua mambi ba tutuadisanga kiunda ayi ziphasi (Minku. 36:1-4; w17.04 10 ¶4)

Kumona nganzi ‘bankua mambi’ ma tutuadisanga ziphasi (Minku. 37:1, 7, 8; w22.06 10 ¶10)

Kufiatila mu zikhanu zi Yave ku tutuadisanga ndembama (Minku. 37:10, 11; w03 1/12 13 ¶20)

Khomba mueka yinkietu wunkuazuka beni mu kutala zitsangu mu telefone. Nandi widi mu kumona batu bambalukila luyalu kuvanga divunza, pulisi wubika bamvukumuna mu kukikinina zimbongo, Masodi badi mu kunuana mvita, dibakala dimueka na buta widi kuma bansuekanga makalu, zi muivi bannata biuma bayiba, batu bamvanga divunza, ayi zi ambulância badi mu kuvana lusalusu batu bavanga acidente mu dikalu.

WUKIYUVUSA, ‘Minu yinzolanga beni kulandakana zitsangu zitedi buphunya mu rádio voti mu televisão?’

2. Kiuka Kisuama

(10 min.)

Minku. 36:6—Mbi nsoniki wu minkunga kaba tomba kutuba bo kasonika ti busonga bu Yave buidi buka ‘miongo mizangama [voti ‘buka miongo mi Nzambi,’ ftn.]’? (it-3 24 ¶7)

Mvutu’aku
Ndandu mbi wubeki mu matangu ma Kibibila ma sabala ayiyi wutidi kutubila?

Mvutu’aku

3. Matangu ma Kibibila

(min. 4) Minku. 37:1-26 (th dilongi 10)

PISUKA MU KISALU KI KUSAMUNA

4. Kutona Masolo

(min. 3) MU NZO KA NZO. (lmd dilongi 1 kinduika 5)

5. Kutatamana Masolo

(min. 4) KIMBANGI MU KHAMBU BA MU KISALU KI KUSAMUNA. Tona ndongukulu yi Kibibila na mutu kabasa kikininanga ko kulonguka. (lmd dilongi 9 kinduika 4)

6. Disolo

(min. 5) ijwbv 45—Ntu Diambu: Mbi Binsundula Mambu Madi mu Minkunga 37:4? (th dilongi 13)

ZINGILA MU BUKLISTU

Nkunga 33

7. Ngie Widi Wukubama Muingi Kuviokila mu ‘Thangu yi Ziphasi’?

(15 min.) Disolo

Zikhomba ziwombo mu nza yimvimba bamviokilanga mu ziphasi mu kibila ki bivuka ayi mambu mankaka batu bantuadisanga. (Minku. 9:9, 10) Kiadi ayi kiunda kuzaba ti ‘thangu yi ziphasi’ yinkuizilanga mu kinzimbukulu, diawu befu boso tufueti ba bakubama muingi tuzaba ma kuvanga bo mawu mammonika.

Kubotula kuandi biuma bi kinsuni,a mbi binkaka bilenda kutusadisa kuba bakubama bo kivuka kimmonika?

Kubika Kilunzi Kiaku: Kikinina ti bivuka bimmonikanga ayi fiongunina mbi wulenda vanga bia kumonika. Bika kuzola beni biuma bi kinsuni. Mawu mala kusadisa wubaka makani ma nduenga ayi ma lufiatu, mu kutula luzingu luaku va theti kubika kuandi biuma widi. (Ngene. 19:16; Minku. 36:9) Mala kusadisa mvandi kuba mayindu mafuana bo kivuka beni kimvioka ayi kudekula kiunda kiaku. —Minku. 37:19
Kubama mu Kiphevi: Kindisa lufiatu luaku ti Yave widi lulendu ayi phuila yi kukukieba. (Minku. 37:18) Ava kivuka kimonika, tebukanga moyo ti Yave wunkuiza tuadisa ayi kusadisa bisadi biandi, kheti tuisinkuiza vukisa ko biuma bitu, vayi ‘luzingu luitu to.’ —Yele. 45:5; Minku. 37:23, 24

Kutsikika mayindu mitu mu zikhanu zi Yave, mankuiza tusadisa kuba lufiatu ti nandi widi ‘mangolo mitu mu thangu ziphasi.’ —Minku. 37:39

Collage: Mambu madi mu video “Kusadisa ba monikini ki vuka” 1. Khomba mueka wuntanga Kibibila. 2. Kivuka. 3. Khuka yi minlangu. 4. Batu badi mu kuvekisa biuma biawu mu kibila ki khuka yi nlangu.

Talanu VIDEO Kusadisa Bamonikini Kivuka. Bosi yuvula zikhomba:

Buidi Yave kalenda tusadisila bo vammonika kivuka?

Mvutu’aku
Mambu mbi tulenda vanga muingi tuba bakubama?

Mvutu’aku
Buidi tulenda sadisila batu bamonikina kivuka?

Mvutu’aku

8. Ndongukulu yi Kibibila mu Kimvuka

(30 min.) bt kapu 9 ¶8-16

Vutukila Mambu Mankinza ayi Tubila ma Tuala Longuka (min. 3) | Nkunga 57 ayi Nsambu

a Tala Despertai! No. 5 2017, tsielu 4-6