Yesu “wulonguka kutumukina”

Yesu waba tumukinanga Yave thangu zioso. (Yoa. 8:29) Buabu, kibila mbi Kibibila kintuba ti: “Nandi wulonguka kutumukina mu ziphasi zioso kaviokila”?—Ebe. 5:8.

Bo kaba va ntoto, Yesu wuviokila mu mambu makhambu monikinanga ku diyilu. Banyonzula kuidi batu ba masumu kheti baba sadilanga Yave. (Luk. 2:51) Nandi wutovuka mu mioku mi zinganga Nzambi ayi mi zimfumu zi luyalu. (Mat. 26:59; Mala. 15:15) Vayi kheti bobo, “nandi wu yikulula ayi wutumamana nati kafua,” lufua luphasi.—Fil. 2:8.

Yesu wulonguka va ntoto phila yinkaka yi kutumukina, ka khambu longuka ku diyilu. Mu phila ayoyo, nandi wuyiza ba Ntinu ayi Mfumu yi Zinganga Nzambi yivedila wulenda visa ziphasi zitu. (Ebe. 4:15; 5:9) Kutumamana ku Yesu kheti mu ziphasi zioso kaviokila, mavanga Yave kuluta kunsadila. Bobuawu mvandi, befu kutatamana kutumukina Yave, bulutidi bo tumviokila mu mambu maphasi, Yave wala luta ku tusadila mu kioso kua kiyeku.—Tia. 1:4.