Luvula Kimutu Kikhulu, ayi Luvuata Kimutu Kimona

3:5-14

Mambu mawombo wubalula mu kimutu kiaku muingi wuba Mbangi yi Yave? Ba lufiatu ti Yave wuyangalala beni mu mangolo wuvanga. (Yehezekeli 33:11) Diawu nkinza beni kuba keba keba muingi mavanga mambi mo tuba, mabika nunga kimutu kitu kimona. Mvandi tufueti tatamana kumonisa kimutu kimona. Vana mimvutu mu biuvu abibi muingi wuzaba mu mambu mbi wufueti luta vangila mangolo:

• Yinlundanga nganzi kuidi mutu wube kuphangila diambu dimbi?

• Yimmonisanga mvibudulu bo yikhambulu thangu ayi bo yidi wuvonga?

• Mu thangu mayindu ma kitsuza ma kukhuizilanga mu kilunzi, yimvanganga mangolo ma kubotula mawu mu thinu?

• Yintadilanga bubi batu ba mimvila voti zitsi zinkaka?

• Mu bilumbu bima vioka, yitubidi diambu dinyongisa mutu, yibe monisa kukhambu kukiyala voti nganzi?