ZINGILA MU BUKLISTU
Wukitadila mu Phila Yave ka Kutadilanga
“Yave wunzolanga dikabu diandi.” (Minkunga 149:4) Kheti tuidi bankua masumu, vayi nandi wunsikikanga thalu’andi mu zikhadulu zitu zimboti ayi mu mambu tulenda nunga kuvanga. Khumbu zinkaka, dilenda ba diambu diphasi kukitadila mu phila yifuana. Wulenda ba nzingu kuba mayindu mafuana matedi befu veka, mu kibila ki phila bankaka ba tutadilanga. Mvandi befu kusikikanga mayindu mu zinzimbala tuvanga kumbusa, tualasa ba ko lufiatu ti Yave wu tuzolanga. Mbi bilenda kutusadisa kuyitadila mu phila yifuana?
Tebuka monho ti Yave wummonanga madi mu mintima mi batu. (1 Samueli 16:7) Mawu mansundula ti Yave wummonanga madi mu mintima mitu mo befu veka tukhambu nunganga kumona. Mayangi kuzaba ti Kibibila kimmonisa buidi Yave ka tutadilanga. Befu tulenda mona mawu mu kutanga binongu bi Kibibila bimmonisa buidi Yave kammonisinanga luzolo kuidi bisadi biandi.
TALANU VIDEO BA LUFIATU MU NLEMVU WU YAVE, BOSI VANANU MIMVUTU MI BIUVU BINLANDA:
Mbi kinongu ki mutu wumvanganga bisafu bi kuduma ayi tat’andi ki tulonga matedi buidi Yave ka tutadilanga?
Boti mutu bevanga disumu dingolo ayi widi mu kuvanga mangolo muingi kuvutula kikundi kiandi na Yave, lufiatu mbi kafueti ba mu naveka?—1 Yoane 3:19, 20
Ndandu mbi khomba kabaka mu kutanga ayi kuyindula matedi kifuani ki ntinu Davidi ayi Yozafati?