Mbi Wulenda Longuka mu Kifuani ki Zikhomba Bama Nunina mu Kisalu ki Yave?

Mu bimvuka, muidi zikhomba ziwombo badi mu kusadila Yave mu mimvu miwombo. Tulenda longuka mambu mawombo mu lufiatu luawu mu Yave; mu kuba kuvula: Buidi kimvuka ki Yave kima konzukila? Ayi buidi Yave kaku sadisila kununga ziphasi wuviokila? Mvandi tulenda batumisa mu mbuongimin’itu yi dikanda ayi kuba dinda batu kamba kinongu ki luzingu luawu.

Boti ngie manunina mu kisalu ki Yave, buna tatamana kukindisa matoko mu kimvuka mu kutubila matedi kiminu kiaku. Yakobi ayi Yosefi batubila kinongu kiawu ki luzingu kuidi nkunu’awu. (Ngenesi 48:21, 22; 50:24, 25) Yave mvandi wukamba zimfumu zi makanda ma basi Isaeli balongisa bana bawu matedi mambu mamboti nandi kavanga. (Deutelonomi 4:9, 10; Minkunga 78:4-7) Bobuawu mvandi, matata ayi zikhomba mu kimvuka, balenda zabikisa bamona mambu moso bama mona Yave kuvanga mu nzila kimvuka kiandi.

TALANU VIDEO  KUTATAMANA KITHUADI MU THANGU ZIPHASI, BOSI VANANU MIMVUTU MI BIUVU BINLANDA:

• Buidi filiali yi Áustria yisadisila zikhomba zitu baba mu zitsi bakandimina kisalu kitu?

• Mambu mbi zikhomba baba mu zitsi aziozi bavanga muingi batatamana kuba kiminu kingolo?

• Minsamuni mikua ku Romênia babika kimvuka ki Yave, ayi kibila mbi babue vutukila?

• Buidi bifuani abiobi binkindisila kiminu kiaku?