KIUVU 5
Zitsangu mbi zidi mu Kibibila?
“Yala tula kimbeni va khat’inu, ngiewu ayi nkietu, va khati nkun’aku ayi nkun’andi. Nandi wala kosikisa ntu’aku ayi ngiewu wala tebila va kikodi kiandi.”
“Mimvila mioso miala tambula lusakumunu mu nzila nkun’aku, kibila ngie wutumukina mbembu’ama.”
“Bika Kintinu kiaku kiza. Ayi bika luzolo luaku luvangama va ntoto, dedi bo lumvangimina ku diyilu.”
“Nzambi no wumvananga ndembama, wala kuluvana mangolo muingi lutulula Satana.”
“Bo biuma bioso biala ba ku tsi luyalu luandi, mvandi Muana wala tumukina Mutu wumvana luyalu lu biuma bioso, muingi Nzambi kayadila biuma bioso ayi mvandi batu boso.”
“Zikhanu ziandi kuidi Abalahami ayi nkun’andi . . . , wunsundula Klistu. Boti benu luidi minlandikini mi Klistu, buna muidi nkuna wu Abalahami.”
“Kintinu ki nza kieka Kintinu ki Mfumu’itu ayi ki Klistu ayi nandi wala yala mvu ka mvu.”
“Mu phila ayoyo, bakuba dalago yinneni, nyoka yikhulu, no bantedilanga Nkadi’ampemba ayi Satana, no widi mu kuvukumuna ntoto woso. Nandi bankuba va ntoto va kimueka na zimbasi ziandi.”
“Nandi wubuila dalago nyoka yikhulu, yinsundula Satana Nkadi’ampemba, ayi wunkanga mu 1.000 di mimvu.”