KIUVU 6
Mbi Kibibila kibikula matedi Mesia?
MBIKUDULU
“Ayi ngiewu, Betelemi yidi ku Efrata, . . . kuidi ngiewu, kuala basikila mutu’ama, wala ba Mfumu ku Isaeli.”
Mika 5:2
SUNDUKULU
“Bo Yesu kabutuka ku divula di Betelemi, tsi yi Yuda, mu thangu ntinu Elodi kaba yala, batu bamfionguninanga matedi zimbuetila bayenda ku divula di Yelusalemi.”
MBIKUDULU
“Bawu bakabama bikhutu biama, ayi bata kisavu mu matedi kiyunga kiama.”
Minkunga 22:18
SUNDUKULU
“Bo bamana kubanda Yesu va dikunzi, masodi babonga bikhutu biandi ayi bakaba biawu mu bitini binna, . . . Vayi kiyunga beni kisa ba ko kitungu, kibila wuba nledi wumueka to kutona kuyilu nati ku wanda. Diawu, bawu bayikambasana: ‘Tuisi mbaka ko kiawu, vayi tuenta kisavu, muingi tuzaba nani wunkuiza baka kiawu.’”
MBIKUDULU
“Nandi wala kieba mimvesi miandi mioso; ni kheti wumueka walasa bokuka ko.”
Minkunga 34:20
SUNDUKULU
“Bo bavitila vaba Yesu bawu bamona ti nandi wuba wufua, diawu bakhambu bue bokunina malu mandi.”
MBIKUDULU
“Nandi bantobula mu kibila ki masumu mitu.”
Yesaya 53:5
SUNDUKULU
“Wumueka mu masodi wuntobula luvati mu kusadila dionga, ayi muna thangu beni menga ayi nlangu bibasika.”
MBIKUDULU
“Bawu baphana mfutu’ama, wu 30 di zimbongo zi palata.”
Zakalia 11:12, 13
SUNDUKULU
“Bosi wumueka mu Kumi Wadi di bapostolo no baba tedilanga Yuda Isikalioti, wuyenda kuidi zimfumu zi zinganga nzambi ayi wuba kamba: Mbi munkuiza phana minu kumvakula kuidi benu? Bawu bankanikisa kumvana 30 ma zimbongo zi Palata.”