KIUVU 7
Mbi Kibibila kibikula matedi bilumbu bitu?
“Kibila tsi yala nuanisa tsi yinkaka, ayi kintinu kiala nuanisa kintinu kinkaka . . . Mambu moso amomo, mala ba thonono yi ziphasi.”
“Kuala monika mimbikudi miwombo mi luvunu bala vuna batu bawombo; ayi mu kibila ki mambu mambi mala buelama, luzolo lu batu bawombo luala dekuka.”
“Bo luala kuwa kutubila matedi mimvita ayi zitsangu zi mimvita, bikanu kuba beni boma. Kibila mambu amomo mafueti monika, vayi yalasa ba ko tsukulu.”
“Mvandi kuala ba zindikununu zinneni zi ntoto mu bibuangu biviakana, bidia biala ba phasi ayi kuala ba bimbevu biwombo. Mvandi batu bala mona mambu ma boma ayi bidimbu binneni ku diyilu.”
“Vayi zaba ti mu bilumbu bitsuka, yala ba thangu ziphasi muingi kuzingila. Batu bala luta kukizola baveka, bala zola beni zimbongo, bala vanga mambu bakhambulu nsua, bala ba lunangu, bala vuezanga Nzambi, balasa tumukinanga ko matata mawu, balasa tondanga ko, balasa ba ko bakuikama, balasa monisa ko luzolo kuidi basi dikanda diawu, balasa ba ko bakubama muingi kudedikisa mambu, bala ba mimvuezi, balasa zaba ko kukiyala, bala ba batu ba makhema, bala ba zimbeni zi mambu mamboti, bala vakulanga badi yawu, bala ba kithemu, lungundayi, bala luta zola minyengu kena Nzambi, ayi bala monikina buka ti bansadilanga Nzambi, vayi mavanga mawu mala monisa ti, basi ko bisadi bi Nzambi.”