Sola Kibuangu Kimboti Muingi Wulongukila

Wuntomba kubaka ndandu mu ndongukulu’aku yi Kibibila? Yedika kuvanga mambu amama:

• Sola kibuangu kifuana. Ti kuba sola kibuangu kifuana ayi kidi kiezila. Ayi mvandi, fueti kala vama vafuana.

• Ba va ngieveka. Yesu waba banga “va naveka,” bo kaba sambilanga “va meni, buna kukhidi mua kitombi.” (Mala. 1:35) Boti wisinnunga ko kulonguka va ngieveka, buna dinda dikanda diaku voti batu bankaka bankalanga yaku, muingi babika kuku vunzikisa mu thangu wunkuiza vanga ndongukulu’aku.

• Tsikika mayindu maku. Bika kuvuvuka. Boti telefoni wunsadilanga muingi kuvanga ndongukulu’aku, buna zibika yawu mbembu muingi yibika kukuvuvisa. Ayi ngie kutebuka moyo mambu fueti vanga, sonika mawu muingi wu mavanga bo wunkuiza manisa kulonguka. Boti wusinnunga ko kutsikika mayindu maku, botula mua thangu muingi wuvunda.