Ba Kibakala bo Baku Kuamisa

Tanga Yelemia 38:​1-13 muingi wulonguka matedi kibakala mbikudi Yelemia ayi Ebedi Meleki bamonisa.

Longuka matedi kinongo kioso. Kibila mbi vabe tombulu Yelemia kumonisa kibakala muingi kusamuna zitsangu zi Yave? (Yele. 27:​12-14; 28:​15-17; 37:​6-10) Mambu mbi mayiza monika?—Yele. 37:​15, 16.

Fiongunina matedi diambu beni. Zikhuamusu mbi Yelemia kaviokila? (jr 26-27 ¶20-22) Fiongunina matedi bisima biba mu thangu yikhulu. (it-1 514-515) Buidi Yelemia kabela bo bantula mu kisima kiba matetchi? Mambu mbi maphasi maba tombulu Ebedi Meleki kanunga?—w12 1/5 31 ¶2-3.

Mona mbi wulenda longuka. Wukiyuvusa:

• ‘Mbi kinongo akiokio ki kundonga, matedi phila Yave kankebilanga bisadi biandi?’ (Minku. 97:10; Yele. 39:​15-18)

• ‘Mu mambu mbi yifueti monisina kibakala?’

• ‘Mbi bilenda kutsadisa kumonisa kibakala bo yimviokila mu zikhuamusu?’(w11 1/3 30)a