Mambu Malenda Kusadisa Kutebukanga Moyo Matangu ma Kibibila

Ngie mana vanga mangolo mawombo muingi kutebuka moyo lutangu lu kibibila muingi kubaka mbombolo, kununga mayindu makhambu fuana voti kuzabikisa bankaka mambu ma kibibila? (Minku. 119:​11, 111) Tala mua mambu malenda kusadisa kutebukanga moyo matangu ma kibibila.

• Sadila JW Library^®. Wulenda kota vo vantuba Estudo pessoal, ayi sonika vana matangu ma kibibila wunluta zolanga voti wuntomba kutebuka moyo.

• Sonika matangu beni vama wulenda fika muena mawu. Sonika mu mua nkanda matangu wuntomba kutebuka moyo ayi tula wawu vama wunluta monanga, dedi ku khonzo lumuenu, voti mu kibaka. Bankaka bantulanga va tela yi telefone voti yi computador.

• Sonika mu mua nkanda. Sonika ku khonzo mueka mambu bantubila mu lutangu ayi ku khonzo yinkaka, sonika lutangu beni lu kibibila. Bosi, meka kutubila lutangu beni ayi vama wulenda bakudila luawu.