Bue lenda fikimina kudi Nzambi?

1. Nzambi weta wa minsambulu mioso e?

Nzambi wulembu lombi batu ba makanda bonso bafikama kudi niandi mu lusambulu. (Nkunga 65:2) Vayi, kawanga ko minsambulu mioso. Mu kifuani, mutu nio weta beta nketo andi, lusambulu luandi lulenda kadulua mo luvioka kudi Nzambi. (1 Petelo 3:7) Phe, thangu bana ba Isaeli batatamana vanga mambu mambimbi, Nzambi wumanga kuwa zitsambulu ziawu. Diawu, lusambulu luisi ko diambu disekinina. Vayi, Nzambi lenda kuandi wa zitsambulu zi nsumuki nio baludi ntima mu masuma mandi.​—Tanga Yesaya 1:15; 55:7.

Tala video Nzambi weta wa zi tsambudulu zioso?

2. Bue busambidila e?

Lusambulu luidi phila yimosi yivanina nkembo kudi Nzambi, diawu tufueti sambila kaka Mvangi’eto, Yehova. (Matayi 4:10; 6:9) Bobo tuidi batu bakondo lunga, tufueti sambila mu zina di Yesu bila niandi wufua mu masumu meto. (Yoane 14:6) Yehova kazolanga ko tuvutukila lusambulu lumosi kadi ka lumbu. Vayi, weta zola ti lusambulu luetu luba mu mabanza ma ntima etu.​—Tanga Matayi 6:7; Filipi 4:6, 7.

Mvangi’etu weta wa lusambulu lo lutubulu ku tsi ntima. (1 Samueli 1:12, 13) Wukututuma tusambilanga mu thangu zioso: mu thangu kotuka, mu thangu yi leka, mu thangu dia, mu thangu kutini zinzomono.​—Tanga Nkunga 55:22; Matayi 15:36.

3. Bila mbi baklisto beta kutikinina?

Yeta ba mwa phasi mufikama kudi Nzambi bila tuidi va kimosi ayi batu bo bakondolo minu mu niandi ayi bamvuezanga tsila andi yi tula ndembama va ntoto. (2 Timoteo 3:1, 4; 2 Petelo 3:3, 13) Diawu tufueti kutakananga vakimosi ayi sambilanga muingi tukindasananga.​—Tanga Ebeleo 10:24, 25.

Kutakana ayi batu bo banzolanga Nzambi kueta kutusadisa tufikama kudi Nzambi. Zikhutakanu zi Zimbangi zi Yehova zietaba thangu zioso zimboti mu kindasana biminu biawu.​—Tanga Loma 1:11, 12.

4. Bue lenda fikimina kudi Nzambi?

Lenda fikimina kudi Nzambi ti lembu vutukila yindula vanga mambu wulembu longuka mu Phova andi. Yindula mavanga mandi, zitsembolo ziandi, ayi zitsila ziandi. Sambila ayi yindula mu phila yeta kutusadisa tuvutula matondo mu luzolo ayi nduenga yi Nzambi.​—Tanga Yosua 1:8; Nkunga 1:1-3.

Lenda fikama kudi Nzambi enati weta kuntudila vuvu, ayi kunzolanga. Minu kidi kima kio kieta tomba dikila kiawu. Lenda kindisa minu kiaku mu fiongoninanga malongi molenda tudila ntima.​—Tanga Matayi 4:4; Ebeleo 11:1, 6.

5. Mamboti mbi fueti baka ti kifikimini kudi Nzambi?

Yehova weta tanina batu bo beta ku nzola. Weta kubatanina mu mambu moso mo malenda bebisa minu kiawu ayi vuvu kiawu ki luzingu lu mvu ka mvu. (Nkunga 91:1, 2, 7-10) Weta kutukebisa mu bikadulu bio bilenda bebisa zinitu zietu ayi manisa kiese kietu. Yehova weta kutulonga bikadulu bio bikutusadisa tuba luzingu lu mbote.​—Tanga Nkunga 73:27, 28; Yakobi 4:4, 8.