NKUNGA 107
Yehova kifuani kimboti ki luzolo
Buku yi bimusunu
(1 Yowani 4:19)
1. Kifuani ki Yah kia tutidi landa.
Wuvana muan’andi
Mo katulonga luzolo luwombo
Lolo kadi mu baboso.
Wutuma Kristu muingi katukula
Mu masumu mo meto tueta vanga.
Muingi tumona ti niandi kifuani
Kimboti kio tuefueti landa!
2. Beto diatila mu nzila luzolo,
Tuela ba kithuadi.
Mawu mela tula tuzola babo
Mu kimvuka ki Nzambi’eto.
Zola Nzambi ayi bakhomba zieto
Mu bukiedika, muna tuela zaba
Lemvukilanga zinzimbala ziawu,
Mu monisa luzolo tuidi.
3. Luzolo, luawu lueta tula batu
Bazinga kithuadi.
Nzambi ku diyilu weta kindisa:
“Tuzola mu bukiedika.”
Pheve yo yinlongo ayi Bibila;
Bakhomba beta tusudikisa ti
Nzila yi luzolo, yawu yifueni
Mu zitisa Nzambi luzolo.
(Tala phe Lom. 12:10; Efe. 4:3; 2 Pi. 1:7.)