DILONGI 18

Longa malongi mo madi mfunu mu luzingu lu batu

1 Kolinto 9:19-23

MU BUKHIFI: Sadisa batu bayindula ayi bamona ti diambu di mfunu bame longuka.

Tadila mambu mo batu beni bazebi. Va buangu kivutukila mambu mo bazebi, wubasadisa balonguka diambu dimona mu dilongi dio weka ntubila.

Wulenda yoluka mua nsualu mu thangu wulembo yolukila mambu mo bazebi, vayi yoluka mua malembi mu thangu weka ntubila diambu dimona.
Tomba mayindu mu minkanda ayi yindula. Enati difuanikini, tubila mambu mo ka bawilu ko voti mambu mo malembo salama mu diambu di sudikisa mayindu ma mfunu. Baka thangu mu diambu di wuyindula mambu mo mawu longa ayi phila yikuma dedikisila ayi bifuani bio mawuvana.

Mu thangu wulembo kubika disolo diaku, yindula phila wulenda vutudila mimvutu mu biuvu banga ‘mbi, bila mbi, thangu mbi, kue, nani, ayi bue voti phila mbi.’ Tula malongi maku maba kitoko mu biuvu banga biobi ayi mimvutu mio mawuvana mu thangu wulembo longi.
Sadisa batu bamona phila malongi beni malenda kubasadisila. Sudikisa phila mayindu ma Bibila malenda sadisila batu mu luzingu luawu. Tubila mambu, mayindu, ayi bikadulu bio bidi mfunu mu diambu di batu bo bakuiza wa.