Mbotama—lukanu lumfunu wombo lo wulenda kitudila!

Yesu wulonga ti, balonguki bandi bafueti baka mbotama. (Tanga Matayi 28:19, 20.) Vayi mbotama muna mbi? Ayi mbi wufueti tula mu diambu di wudukisa lukanu lubaka mbotama?

1. Baka mbotama mbi yinsundula?

“Mbotama” mu mbembo yi Kingeleki yi bedi, yinsundula “buama.” Mu thangu babotika Yesu, banbuika mu muila Yolidani, ayi ‘wutotuka mu nlangu.’ (Malako 1:9, 10) Banga Yesu, bakristu bakiedika mu thangu beti babotika, beti babuika mu nlangu, yinsundula diamisa nitu yoso.

2. Mbotama mbi yimmonisa?

Mutu nio beki mbotama monisini ti wukiveni mvimba mvimba kuidi Yehova. Bue bu kukivanina kuidi Nzambi? Tuamina mutu kabaka mbotama, kafueti kamba Yehova mu nzila lusambulu ti tidi kunsadila luzingu luandi loso. Yimmonisa ti, tuveni Nzambi tsila ti niandi kaka tukuiza sambilanga ayi vanga luzolo luandi, madiba diambu dilutidi mfunu mu luzingu lueto. Tufueti baka nzengolo ‘yiku kiyimina ayi tatamana’ landakana malongi ma Yesu ayi fuanusu kiandi. (Matayi 16:24) Enati mutu wukiveni kuidi Nzambi ayi beki mbotama, kikundi kiandi kuidi Yehova kieta luta bue ba kingolo ayi weta luta bue fikama kuidi bisadi bi Yehova.

3. Tuamina wubaka mbotama mbi wufueti tula?

Tuamina wubaka mbotama wufueti longuka zaba Yehova ayi ba minu kingolo kuidi niandi. (Tanga Ebelewo 11:6.) Bobuawu nzayilu’aku ayi minu kiaku binyedila, buawu luzolo luaku kuidi Yehova lukuiza luta yonzukila. Buela diaka, mawuluta ba na phuila yi samuna ayi zingila mu landakana minsiku miandi. (2 Timote 4:2; 1 Yowani 5:3) Khumbu ziwombo, enati mutu wulembo diatila “mu phila yifuana kuidi Yehova ayi kummonisa khini mu mambu moso,” weti kuiza ba na phuila yi kukivana ayi baka mbotama.—Kolosayi 1:9, 10.a

TUVISA MBOTI MBOTI

4. Mambu mo tulenda longuka mu mbotama yi Yesu

Tanga Matayi 3:13-17 muingi wumona bue buviokila mbotama yi Yesu. Ayi vana mvutu mu biuvu biabi:

• Yesu, mu butsombi kabotimina?

• Bue Yesu kabakila mbotama? Mabeti manlangu kuandi ban’dukudila va ntu?

Mu thangu kabaka mbotama, Yesu wutona dukisa lutumu lo Nzambi kamvana. Tanga Luka 3:21-23 ayi Yowani 6:38 ayi vana mvutu mu kiuvu kiaki:

• Mu thangu kabaka mbotama, kisalu mbi kaluta tula va ntuala?

5. Lenda kuaku baka mbotama

Diyindu di kukivana ayi di baka mbotama dilenda kumonisa tsisi va thonono. Malembi malembi, wela yonzuka mu kipheve ayi lumbu kidi kio wela mona ti fueni kuaku baka mbotama. Muingi wubakula phila yo bankaka banungina bakila nzengolo yimboti, tala VIDEO.

VIDEO: Ndenge oyo okoki kokóma moninga ya Yehova (1:11)

Tanga Yowani 17:3 ayi Zaki 1:5 ayi vana mvutu mu kiuvu kiaki:

• Bue wulenda kubimina muingi wubaka mbotama?

1. Kukivana kuidi Yehova yinsundula: kunkamba mu nzila lusambulu ti tidi kunsadila mu luzingu luaku loso

2. Mbotama yeta monisa va ntuala batu ti tukiveni kueto kuidi Nzambi

6. Mbotama yeta tukotisa mu dikanda di Yehova

Mu thangu tubeki mbotama, tueka batu ba dikanda dimosi mu nza yimvimba. Buba ti makanda meto maviakana madi mu kinsuni, luwiluku lumosi tuidi ayi tueta zitisa minsiku mimosi. Tanga Minkunga 25:14 ayi 1 Piela 2:17 ayi vana mvutu mu kiuvu kiaki:

• Mambu mbi mbotama yeta tula mu nguizani yo mutu kadi kuidi Yehova ayi kuidi batu bobo beta kunsambila?

MU BUKHUFI

Yesu wutuba ti bakristu bafueti kaka baka mbotama. Muingi wudukisa lukanu beni fueti ba na minu kingolo kuidi Yehova, zingila mu tumukina minsiku miandi ayi kukivana kuidi niandi.

Phutukulu

• Mbotama muna mbi ayi bila mbi yididi mfunu mu kuyibaka?

• Nguizani mbi yidi mu kukivana kuidi Nzambi ayi baka mbotama?

• Mambu mbi meta tula ti mutu kakivana kuidi Nzambi ayi kabaka mbotama?

TALA MAMBU MANKAKA

Mambu mankaka matadidi mbotama.

“Batisimo elimboli nini?” (Lisolo oyo ezali na Internet)

Mabanza mo wulenda sadila muingi wuyonzuka ti kubaka mbotama.

“Bolingo mpe botɔndi mpo na Yehova ekotinda yo ozwa batisimo” (Linɔ́ngi ya Mosɛnzɛli ya 03/2020)

Bakala dimosi wusudika ti kedi baka ko mbotama mu kambu teka longuka.

“Balingaki ngai moko namona oyo Biblia eteyaka mpenza” (Linɔ́ngi ya Mosɛnzɛli ya 01/02/2013)

Bila mbi mbotama yididi lukanu lumboti wufueti kitudila? Ayi bue wulenda kubimina mu baka mbotama?

“Nasengeli kozwa batisimo?” (Mituna oyo bilenge batunaka—biyano oyo ebongi, Volimi 2, mokapo 37)