Baka mamboti mu ziverse ziozi zidi nguizani ayi ziverse zinkaka (références marginales)

Ziverse ziozi zidi nguizani ayi ziverse zinkaka mu Bibila ki Libongoli ya Mokili ya Sika, zieta monisa nguizani yi ziverse mu Bibila mu kunata mu ziverse ziozi zim’buela mayindu mankaka. Zieta monikina mu bina bi bisono biobi bikala va mbata bikuma bi ziverse. Muingi wubibakula mu Bibila ki phapi, tala mua sono kioki kin’dedakana ayi kioki kidi mu ntanda wowo wukala va khati tsika phapi yi Bibila. Mu jw.org voti mu aplikasio yi JW Library^®, bueta va mbata mua sono beni ayi maki nata mu ziverse ziozi zidi nguizani ayi verse yoyi wulembo tangi.

Ziverse ziozi zidi nguizani ayi ziverse zinkaka zilenda kutusadisa tubakula mambu mama voti phe mambu mankaka:

Mosolo momo meta dedakana: Zieta sadisa mutu kabakula mosolo momo meta dedakana. Mu kifuani, tala 2 Samueli 24:1 ayi 1 Lusansu 21:1.

Ziphova zi masonoko bavutukidi: Zieta sadisa mutu kazaba koko kubedi ziphova voti kuma ki verse yoyi kalembo tangi. Mu kifuani tala Matayi 4:4 ayi 5 Mose 8:3.

Lungana ku zimbikudulu: Zieta sadisa mutu kabakula ziverse ziozi zimmonisa lungana ku zimbikudulu. Mu kifuani, tala Matayi 21:5 ayi Zekalia 9:9.