Mbi lenda vana kiese mu dikanda?

BIBILA KEMBI TI

“Khini kuidi bobo beti wa ayi beti tumukina mambu ma Nzambi!”—Luka 11:28, Nkanda wu Moyo.

MAMBOTE WULENDA BAKA

Nzola yi kiedika.—Efeso 5:28, 29.

Lukinzu lusonga.—Efeso 5:33.

Ndembama yi kiedika.—Malako 10:6-9.

TUFUETI WILUKILA MU KIEDIKA BIBILA?

Inga, tutadila bibila biabi biole:

• Yehova Nzambi widi Mvangi dikanda. Bibila kembi ti “makanda moso . . . matambudila dizina” kudi Yehova Nzambi. (Efeso 3:14, 15) Mu phila nkaka, dikanda didi bila Nzambi wuvanga diawu. Bila mbi diambu diadi didi mfunu?

  Yindula thete: Enati wulembu dia bidia bimbote, vayi tidi zaba nki bitotikisa basidi mu khati muingi bitoma, kudi nani fueti yuvula? Kiedika, wela yuvula mutu nio lembi biawu.

  Bobuawu, muingi tuzaba mbi lenda vana kiese mu dikanda, tufueti baluka kudi Yehova, Mvangi dikanda.—1 Mose 2:18-24.

• Nzambi weta kubanzila. Bulutidi mbote makanda matomba malongi ma Nzambi mu khati Phov’andi. “Bila niandi veka wukulubanzilanga.” (1 Piela 5:6, 7) Yehova wutombanga kaka mambote maku—malongi mandi madi kaka mambote!—Zingana 3:5, 6; Ezayi 48:17, 18.