Nani wulembo yadila nza?

BIBILA KEMBI TI

Nza yimvimba yidi kutsi minsua mi pheve yimbimbi.”—1 Yowani 5:19.

Muana Nzambi kamonikina mu diambu kabunga mavanga ma Satana.”—1 Yowani 3:8, Nkanda wu Moyo.

MAMBOTE WULENDA BAKA

Wuna zaba bumboti bila mbi ziphasi zidi mu nza.—Nzaikusu 12:12.

Vayi tubeki bibila ti nza yela tunguka.—1 Yowani 2:17.

TUFUETI WILUKILA MU KIEDIKA BIBILA?

Inga, tutadila bibila biabi bitatu:

• Luyalu lu Satana luzengulu nkanu. Yehova beki lukanu lu manisa kimfumu ki Satana kudi batu. Wutuveni tsila ti wuna ‘kosikisa . . . Satana,’ epi botula mambu mo mambi kavengi.—Ebelewo 2:14, Nkanda wu Moyo.

• Nzambi wusobula Yesu Klisto muingi kayadila nza. Yesu kasi dedakana kadi fioti ko ayi mfumu yi nza yayi, wufuluka kikhesa ayi buimi. Mu tadila kimfumu ki Yesu, Nzambi wuvana tsila yayi: “Wela mona mutu wulebakana ayi nsukami kiadi . . . Wela kuba kula mu khuamusu ayi mu makhemi.”—Nkunga 72:13, 14.

• Nzambi kalendi vuna ko. Bibila ki sudika ti: “Nzambi kalendi vuna ko.” (Ebelewo 6:18) Enati Yehova veni tsila, buna banga divangimini. (Ezayi 55:10, 11) ‘Mfumu yi nza yayi wela lozo ku nganda.’—Yowani 12:31.