Bue luzingu lutonina?

Nzambi “niandi tho yi luzingu.” (Minkunga 36:9) Weta dikikinina? Bankaka beta banzila ti lunzingu luawu veka lubima. Ti buawu buididi, muna betu batu betu veka tubima. Vayi, ti Nzambi wuvanga luzingu, muna mfunu luidi.a Mu dilongi diadi, ma wumona phila yoyi Bibila kisudikisidi tho yi luzingu ayi bila mbi wufueti bukikinina.

1. Bue luyalanganu lutonina?

Bibila kitubidi ti: “Va thonono, Nzambi wuvanga diyilu ayi ntoto.” (1 Mose 1:1) Basi siansi bawombo bakikinini ti luyalanganu tona lutona. Bue Nzambi kaluvangila? “Ngolo ziandi” kasadila, yinsundula pheve santu’andi, mu vanga bima bioso bidi mu luyalanganu: zigalakisi, zimbuetila, ziplaneti, ayi bima bioso binkaka.—1 Mose 1:2.

2. Bila mbi Nzambi kavangila ntoto?

Yehova ‘kasi vanga ko ntoto wawu mu phamba, vayi wuvanga wawu mu diambulu batu bakala.’ (Yesaya 45:18) Wuvanga ntoto mu diambulu batu ba mu zingila mu luzingu lumboti ayi mvu ka mvu. (Tanga Yesaya 40:28; 42:5.) Siansi yimonisini ti ntoto wulutidi ziplaneti zioso. Bila yawu kuandi planeti yilembu dukisa ziphuila zibatu bumboti mboti.

3. Mbi bintula ti batu ayi bibulu baba disuasanu?

Bo kamana vanga ntoto, Yehova wu mu wesa minti ayi bibulu. Kuntuala, ‘wuyiza vanga mutu mu kifuani kiandi.’ (Tanga 1 Mose 1:27.) Bila mbi mutu kasidedakana ko ayi bivangu binkaka? Bila wuvangulu mu kifuani ki Nzambi, yintia tuba: lenda sokudila bikadulu biandi, denga luzolo ayi busonga. Nzambi wutuvanga ayi diluaku dilongukila zimbembo ayi yangadala wa miziki. Mu disuasanu ayi bibulu, betu tulenda sambila Mvangi’eto.

TUVISA MBOTI MBOTI

Tulonguka mambu mamonisa ti luzingu vangu luvangu ayi tulenda wilukila mambu momo Bibila kitubidi mu matadidi tsemono. Tutala diaka mambu momo bikadulu bi mutu bilembu tulongi mu matadidi Nzambi.

4. Luzingu vangu luvangu

Mu thangu mutu kavengi kima mu sokudila bima biobidi mu nza, beta kumvana nkembo. Vayi kuidi nani kulenda vutuka nkembo ayi n’zitusu mu bima biobi bivangu mu nza? Tala VIDEO ayi vana mvutu mu kiuvu kiaki kilandikini.

VIDEO: Mambu momo mintueni batubidi—Wilukila ti Nzambi widi (2:43)

• Bima mbi mutu keta vanga biobi keta bongila ntungulu mu bima biobi bivangu?

Mutu kaka wukala tungi nzo. Vayi na wutunga bima biobi tueta mona mu nza? Tanga Ebelewo 3:4 ayi vana mimvutu mu biuvu biabi:

• Mbi bieta kuyitukisa mu bima biobi bidi mu nza?

• Fuana kuandi mu wilukila ti luyalanganu ayi bima biobi bidi mu luawu ti kuidi ayi nioni wubivanga? Bila mbi?

Wubedi buzabilanga?

Mu jw.org, ma wumona masolo, zivideo zintuba ti: luzingu “Luawu veka lubima voti vangu luvangu?” ayi “Zingindu zitadidi tho yi luzingu.”

“Kadika nzo yitungu kuidi mutu, vayi Nzambi niandi wutunga bima bioso”

5. Tulenda wilukila Bibila mu matadidi tsemono

VIDEO: Luyalanganu vangu luvangu?—Video yi khufi (3:51)

• Bibila kinlonga ti ntoto ayi luzingu bivangulu mu bilumbu 6 bi 24 ki zithangu?

• Bue wum’banzila mambu momo Bibila kitubidi mu diambulu tsemono madi makiedika ayi tulenda kumawilukila? Bila mbi?

Tanga 1 Mose 1:1 ayi vana mvutu mu kiuvu kiaki:

• Basi siansi beta tuba ti luyalanganu thonono luidi. Mambu momo batubidi nguizani madi ayi mambu momo metanga mu Bibila?

Bankaka beta banzila ti Nzambi wusadila evolisio mu vanga luzingu. Tanga 1 Mose 1:21, 25, 27 ayi vana mimvutu mu biuvu biabi:

• Bibila kinlonga ti Nzambi wuvanga ntoto mu phamba, ayi wubika luzingu luyonzuka mu mbizi, mu bulu ayi mu mutu? Voti kinlonga ti Nzambi wuvanga bima bioso bingudi: “mintindu mioso” mi bima bimoyo?

6. Batu badi bivangu bidi luviakunu ayi bivangu bioso binkaka

Yehova kasi tuvanga ko phila mosi ayi bibulu. Tanga 1 Mose 1:26 ayi vana mvutu mu kiuvu kiaki:

• Tuidi na diluaku dimonisa luzolo ayi dikukitula va buangu ki batu bankaka. Bo yidi ti mu kifuani ki Nzambi tuvangulu, mbi kimutu kiandi kikutumonisa?

MU BUKHUFI

Yehova wuvanga luyalanganu ayi mintindu mioso miluzingu.

Phutukulu

• Bibila mbi kieta tulonga mu diambu ditadidi thonono yi luyalanganu?

• Bukiedika ti Nzambi wubika mitindu mioso mi luzingu mi yonzuka miawu veka mu diambulu mu butisa mintindu mioso minkaka miluzingu, voti niandi veka wumana vanga ntindu mosi mosi?

• Bila mbi batu balutidi bivangu bioso binkaka?

TALA MAMBU MANKAKA

Bifuanusu bio bimonisa ti bima bidi mu nza mvangu bi mvangu.

“Bozalisi ezali koteya biso nini?” (Lamuká! ya 09/2006)

Tata dimosi lembu sudikisa muan’andi wubakala masolo ma Bibila mu mambu matadidi tsemono.

“Yehova azalisaki biloko nyonso” (2:37)

Evolisio nguizani yidi ayi momo Bibila kieta longa?

“Nzambe akelaki nde lolenge nyonso ya bomoi na nzela ya evolisyo?” (Lisolo oyo ezali na Internet)

Madiela ma basi siansi makutumonisa ti luzingu vangu luvangu voti luawu veka lubima?

Cinq questions à se poser sur l’origine de la vie (brochure)