DILONGI 10
Mamboti mbi lenda kue baka mu zikhutukunu zi Bambangi zi Yehova?
Wume teka kutakana mu zikhutukunu zi Bambangi zi Yehova? Ti buawu ko buididi, lenda kitatikisa mu diyundu di kuekutakana yawu khumbu yi theti. Thangu zinkaka lenda kiyuvusa: “Mambu mbi meta vioka mu zikhutukunu beni? Bila mbi zikadila mfunu? Ayi bila mbi ndifueti kuendilanga mu zikhutukunu beni?” Mu dilongi diadi, mawu longuka ti kutakana va kimosi ayi batu bankaka kulenda kindisa kikundi kiaku ayi Nzambi ayi kuela kusadisa mu luzingu luaku.
1. Bila mbi Bambangi zi Yehova beta kutikinina?
Nsoniki mosi wu Bibila veni bila kingudi: “Mu lukutukunu lunneni ndiela zitisa Yehova.” (Minkunga 26:12) Lumbu kiaki phe, Bambangi zi Yehova bakala na kifu kikutakana ayi beta yangadala kubutudila. Mu nza yimvimba, beta kutakana kadika sabala mu bimvuka biawu mu diambulu sambila Nzambi, mu kunyimbidila ayi solula yandi mu nzila yilusambulu. Ayi khumbu ziwadi voti zitatu mu mvu, beta butudila mu zikhutukunu zinneni.
2. Mbi wela kuelonguka mu zikhutukunu beni?
Mu zikhutukunu ziawu, Bambangi zi Yehova beta longisa Bibila; ‘beta sudikisa kiawu bumboti ayi visikisa kiawu.’ (Tanga Nehemia 8:8.) Nge kuendanga ku zikhutukunu beni, wela kuelonguka mambu mawombo matadidi Yehova ayi bikadulu biandi. Bobuawu wunkuiza luti wilanga luzolo lolo kadi kuidi ngeyo, buawu mawu luta kumfikimina. Wela kuebakula phe ti tidi kusadisa wuba mu luzingu lumboti.—Yesaya 48:17, 18.
3. Mamboti mbi lenda kue baka mu zikhutukunu zietu?
Yehova wukutulomba ‘tusungasananga betu na betu muingi tumonikisa luzolo ayi vanga mavanga mamboti, ayi kadi lembu zikhutukunu zietu.’ (Ebelewo 10:24, 25) Mu zikhutukunu, wela kuedengana batu bobo beta kipasana bukiedika, denga ngeyo, batidi zaba mambu mawombo matadidi Nzambi. Wela kuba wa batubila mambu momo meta kubakindisa mu Bibila. (Tanga Loma 1:11, 12.) Wela kotudi kikundi ayi batu bo badi mu mayangi, buba ti balembu dengana ziphasi, banga kuandi batu boso. Diawu Yehova katididi tukutakananga thangu zioso!
TUVISA MBOTI MBOTI
Tutadila mambu momo meta vioka mu zikhutukunu zi Bambangi zi Yehova ayi tutala bila mbi yididi mfunu kutakananga yawu kithuadi.
4. Zikhutukunu zi Bambangi zi Yehova
Mu tandu kitheti, bakristu babe kutakananga mu sambila Yehova. (Loma 16:3-5) Tanga Kolosayi 3:16 ayi vana mvutu mu kiuvu kiaki:
Bue bakristu ba tandu kitheti babe sambilanga Yehova?
Mu lumbu kiaki, Bambangi zi Yehova beta kutakana thangu kathangu mu bibuangu biawu bilusambulu. Muingi mo wumona phila zikhutukunu ziawu zieta viokila, Tala VIDEO. Kumanima, tala foto yimonisa phila yoyi lukutukunu lueta viokila ayi vana mimvutu mu biuvu biabi bilandikini.
Mambu mbi madedikini mu momo meta vioka mu nzo yi kimfumu ayi momo tengi mu Kolosayi 3:16?
Mu video voti mu foto, kuidi na diambu diyangidikidi, dio diveni nzala yi kutakana?
Tanga 2 Kolinto 9:7 ayi vana mvutu mu kiuvu kiaki:
Bila mbi kabatombilanga ko zimbongo mu zikhutukunu zi Bambangi zi Yehova?
Tutala va kimosi mo tuela longuka mu lukutukunu lunkuiza.
Tini mbi ki lukutukunu kiyangidikidi kuwombo?
Wubedi buzabilanga?
Mu jw.org, lenda mona bibuangu ayi zithangu zi zikhutukunu zi Bambangi zi Yehova.
Mu zikhutukunu zietu, mueta vioka zidiskur, zimbonosono ayi zivideo. Zikhutukunu beni zieta tonina ayi zieta manina mu nkunga ayi lusambulu
Thangu bitini binkaka bilukutukunu bilembo vioki, batu balenda vutula mimvutu
Mutu nioso lenda kuandi kuiza: makanda, bo beta zinga bawu veka, batu bayonzuka ayi minthueni
Zikhutukunu zietu zifutulungu zimbongo ko. Bambangi zi Yehova bakongulanga ko makaba mu zikhutukunu ziawu ayi batulanga ko zitsisani
5. Kuenda ku zikhutukunu kibakala kueta tomba
Tutadila va kimosi kifuani kidikanda di Yesu. Kadika mvu, bafueti diatanga 100 ki zikilometre mu dimalu, mu nzila yi ba na miongo miwombo mu kuendanga ku kinlongo, ku Yelusalemi. Tanga Luka 2:39-42 ayi vana mimvutu mu biuvu biabi:
Bue wummuena, kuenda ku Yelusalemi yisi ba ko phasi?
Bua ngeyo, zingolo mbi wufueti tula mu kuendanga mu zikhutukunu?
Bue wum’banzila, mfunu didi mu kuendanga ku zikhutukunu beni? Bila mbi?
Bibila kikembi ti kutakana mfunu kuidi mu sambila Nzambi. Tanga Ebelewo 10:24, 25 ayi vana mvutu mu kiuvu kiaki:
Bila mbi tufueti kutikininanga mu zikhutukunu zietu thangu kathangu?
BATU BANKAKA BETA TUBA TI: “Yisi’andi mfunu ko mu kuendanga ku nzo Nzambi, bila dibundu ntim’aku.”
Verse mbi yi Bibila voti kifuani mbi wulenda sadila mu monisa mambu momo Yehova katidi?
MU BUKHUFI
Kuendanga mu zikhutukunu makusadisa wuluta longuka mambu mawombo matadidi Yehova, mayi yonzula kikundi kiaku ayi niandi, nkusambilanga va kimosi ayi batu bankaka.
Phutukulu
Bila mbi Yehova kalembu tukindisila ti tukutakananga?
Mbi mawelonguka mu zikhutukunu zi Bambangi zi Yehova?
Mamboti mbi diaka mankaka wela baka nge kuendanga mu zikhutukunu?
TALA MAMBU MANKAKA
Diyindu dikuenda mu lukutukunu dilembu tatikisa? Buawu bumuena bakala dimosi nioni wuyiza zola zikhutukunu.
Toko dimosi wuzola zikhutukunu ayi wutula zingolo ziwombo mu tatamana kutakana.
Batu balembu tubila mambu momo beta banzila mu diambulu zikhutukunu.
“Mpo na nini toyanganaka na makita na Ndako ya Bokonzi?” (Lisolo oyo ezali na Internet)
Luzingu lu Dovula kimosi, lubaluka bo kayenda mu lukutukunu lumosi lu Bambangi zi Yehova.
“Nazalaki komema mandoki na ngai esika nyonso” (Linɔ́ngi ya Mosɛnzɛli ya 01/07/2014)