DILONGI 29

Mutu niandi fua bue keta bela?

Buku yi bimusunu

Wume teka fuilu mutu nioni weta zola buwombo? Mu diambu beni, batu bawombo beta kiyuvula ti: “Mutu niandi fua bue keta bela? Lumbu kidi kio ndiela bue mona batu bo ndifuilu?” Mu dilongi diadi ayi dio dilandikini, mawu bakula mimvutu mi lukindusu mio Bibila kieta vana.

1. Thangu mutu kafuidi bue keta bela?

Yesu wudedikisa lufua banga tulu tungolo. Mu diambu mbi lufua ayi tulu bidedikini? Mutu nioni lekidi tulu tungolo kazabanga ko mambu mo malembo vioki vo kalekidi. Phila mosi phe ayi mutu nio fuidi ka bue zabanga ko kadi diambu ayi kamonanga ko diaka ziphasi. Bibila kitubidi ti: “Bafua basi zaba ko kadi kiasa.”—Tanga Mpovi 9:5.

2. Zaba kiedika kitadidi lufua mamboti mbi kilenda tunatina?

Batu bawombo beta mona lufua tsisi; kutu batu bankaka beta mona batu bafua tsisi. Vayi wulenda baka lukindusu mu mambu momo Bibila kieta tuba mu diambu di bafua. Yesu wutuba ti: “Kiedika kiela kulu kula.” (Yowani 8:32) Mabundu mawombo meta tuba ti, muela tukala weta tatamana zinga beto fua, vayi buawu ko Bibila kieta longila. Diawu batu bafua bazabanga ko kadi kiasa, bamonanga ko ziphasi ayi balendi ko kutuvanga mambu mambimbi. Diawu yisi ko mfunu mu kubakitisa mintima, kubasambila ayi kubalombila kuidi Nzambi.

Batu bankaka beta kikinina ti beta solula na batu bafua. Vayi madi mayuya. Banga phila tumemuena, bafua “basi zaba ko kadi kiasa.” Batu bobo beta banzila ti beta solula na batu bafua, basolulanga ko yawu vayi beta solula na ziphevi zimbimbi zio zieta vuata batu bafua. Diawu zaba kiedika kitadidi batu bafua kieta tutanina kuidi ziphevi zimbimbi. Yehova weta tukandika tubika solula na batu bafua bila zebi ti kidi vonza kinneni solulanga ayi ziphevi zimbimbi.—Tanga 5 Mose 18:10-12.

TUVISA MBOTI MBOTI

Tutala mambu mo Bibila kilembo tulongi mu diambu di bafua, ayi tubaka buyedisila minu kieto kuidi Yehova ti niandi kamonisanga ko batu bafua ziphasi.

Mu mafua manketu mosi, nnuni’andi ayi bana bandi bavuendi va mua kundu. Bakundi bawu ayi bakhomba ziawu badi yawu kithuadi mu kubakindisa.

3. Mutu niandi fua bue keta kuiza bela?

Batu bawombo bakala na luwiluku luviakana mu phila yo mutu keta kuiza bela niandi fua. Vayi mambu moso mo batu beni beta yindula mu diambu di lufua malendi ko ba makiedika.

Ku buala ko wukala, batu mambu mbi beta tuba mu diambu di batu bo bafua?

Muingi wumona mambu mo Bibila kieta longa mu diambu di bafua, tala VIDEO.

VIDEO: Moto akómaka ndenge nini soki akufi?—Video ya mokuse (1:19)

Montage : Zipfikula zivideo ‘‘Mutu niandi fua bue keta bela? (yi tini)’’. 1. Mutu wufua va mbuka yi nzo m’buku. 2. Mu train, bakala dimosi lekidi va khatitsika batu buadi.

Tanga Mpovi 3:20 ayi vana mimvutu mu biuvu biabi:

Mu tadila verse yoyi, mutu niandi fua bue keta kuiza bela?
Kuidi na kima kidi mu nitu’eto kio kieta tatamana zinga betu fua?

Bibila kitubidi mambu mo mavioka mu thangu Lazale kafua nio wuba nkundi Yesu. Muingi wuzaba phila yo Yesu katubila Lazale, tanga Yowani 11:11-14. Ayi vana mimvutu mu biuvu biabi:

Mu diambu mbi Yesu kadedikisila lufua?
Ndedukusulu beni yoyi, mbi yikutulonga mu diambu di bafua?
Ngeyo bue wum’banzila mambu mo Bibila kitubidi mu diambu di bafua?

4. Kiedika kitadidi bafua kieta tukula mu buvika

Zaba kiedika kitadidi lufua kieta tukula mu buvika bummona batu bafua tsisi. Tanga Mpovi 9:10 ayi vana mvutu mu kiuvu kiaki:

Batu bafua balenda kutuvanga phasi?

Mambu mo Bibila kieta tulonga, meta bue tukula mu mambu mo batu beta wilukila ti, tufueti lembikanga mintima mi batu bafua ayi kubasambidila. Tanga Yesaya 8:19 ayi Tsongolo 4:11 ayi vana mvutu mu kiuvu kiaki:

Ngeyo bue wum’banzila, Yehova bue keta muena mutu nio weta sambila bafua voti nio weta kubatomba lusadusu?

Montage : Bikhulu biphila mu phila bidi nguizani ayi tsambudulu yi bafua. 1. Bakala wulembu sambila wufukama vantuala dibumbi ayi simbidi bidia biobi kekamvana dikaba kudi bafua. 2. Babakala batatu bavueti minledi mi bandoki balembu kini makinu ma kindoki. 3. Mu lumbu ki bafua, batu bamosi bavueti zi masike zi batu bafua ayi basimbidi minti. — Kiedika kitadidi lufua kieta tukula mu bikhulu bio kabiyangidikanga ko Yehova

5. Kiedika kitadidi lufua kieta tukindisa

Batu bawombo balonguka ti kumanima ma lufua luawu, bela baka tumbu mu bila ki mavanga mawu mambimbi. Vayi kiedika beni, kieta tuvana lukindusu mu zaba ti mutu bu kafuidi ka bue monanga ko ziphasi buba ti mutu beni mambu mawombo mambimbi kavanga. Tanga Loma 6:7 ayi vana mvutu mu kiuvu kiaki:

Ti banga phila butubidi Bibila, mutu niandi fua kudulu mu disumu diandi; wum’banzila ti bafua beta mona ziphasi mu diambu di masumu mo bavanga?

Bobuawu wunluta longukila zabila Yehova, buawu wukuiza luta kikinia ti Yehova kamonisanga ko batu bafua ziphasi. Tanga 5 Mose 32:4 ayi 1 Yowani 4:8 ayi vana mvutu mu kiuvu kiaki:

Ziverse zia zitubidi bikadulu bio Nzambi kadi, diawu mu tadila bikadulu beni, tulenda kikinina ti niandi weta monisa batu bafua ziphasi?
Kindusulu mu kiedika kitadidi bafua? Bila mbi?

BATU BANKAKA BETA TUBA TI: “Tsisi beta mona mambu mo mela bakuizila bawu fua.”

Ti mutu wukembi phila beni yoyi, ziverse mbi zi Bibila wulenda kuntangila mosi wunkindisa?

MU BUKHUFI

Mutu niandi fua lembulu bue zinga. Bafua bamonanga ko ziphasi ayi bamonisanga ko batu badi moyo ziphasi.

Phutukulu

Mutu niandi fua, bue keta bela?
Mu mambu mbi kiedika kitadidi lufua ki tukudidi?
Bila mbi kiedika kitadidi bafua kieta tukindisila?

Dati yo lumanisini dilongi dia:

Lukanu luama

Lunda mu ntima verse mosi yidi mu dilongi diadi mu diambu ndibaka busudikisila mutu mosi diambu ditadidi bafua.

Lukanu lunkaka:

Your other goal

TALA MAMBU MANKAKA

Mu Bibila “muela” mbi wunsundula?

“Molimo ezali nini?” (Lisolo oyo ezali na Internet)

Nzambi weta yoka batu bambimbi ku bulungi?

Lifelo ezali mpenza esika oyo bato banyokwamaka? (3:07)

Tufueti monanga batu bafua tsisi?

Bilimu ya bakufi—Bikoki kosalisa yo to kosala yo mabe? Bizali solo? (mwa buku)

Bakala dimosi wuyiza kindusu bo kabakula kiedika kitadidi lufua.

“Biyano ya polele mpe oyo ebongi ya Biblia, ekamwisaki ngai” (Linɔ́ngi ya Mosɛnzɛli ya 01/02/2015)