DILONGI 30
Wulenda bue mona batu weta zola bo bafua!
Thangu tufuilulu mutu, tueta ba na kiadi kiwombo. Bibila kitubidi ti lufua luidi mbeni. (1 Kolinto 15:26) Mu dilongi 27, tumueni ti Yehova wela manisa lufua. Vayi bua batu bobo bafua, Yehova mbi kela tula mu diambu di bawu? Mu dilongi diadi matulonguka tsila yi kitoko yo Yehova katuveni yifulukisa zimiliare zi batu. Batu beni bo bela fuluka mu luzingu balenda zinga mvu ka mvu bila Yehova niandi veka wela kubafulukisa! Mambu beni, bukiedika mela salama? Batu bafua bela fuluka mu diambu di zingila va ntoto voti ku diyilu?
1. Diambu mbi Yehova katidi vangila batu bo tufuilu?
Yehova phuila yiwombo kadi yifulukisa batu bafua. Yobi wuba minu kiwombo ayi wukinina ti Nzambi kelasie kun’zimbakana ko thangu kela fua. Wukamba Nzambi ti: “Ngeyo wela tela ayi minu ndiela yakula [muna ziami].”—Tanga Yobi 14:13-15.
2. Bue tuzabidi ti batu bafua balenda fuluka?
Thangu Yesu kaba va ntoto, Nzambi wumvana zingolo zi fulukisila batu bafua. Yesu wufulukisa muana ndumba mosi wuba 12 ki mimvu ayi wufulukisa muana bakala nio nguandi wuba difola (nketo wufuilu nnuni). (Malako 5:41, 42; Luka 7:12-15) Ayi kuntuala, nkundi’andi Lazale wuyiza fua. Kadiambu ko Lazale bo kafua, bilumbu biya (4) bivioka vayi Yesu wumfulukisa kaka. Yesu wusambila Nzambi ayi wuyamikina ko kuba ziami: “Lazale totuka!” Ayi “mutu wufua wutotuka,” wu moyo! (Yowani 11:43, 44) Yindula khini ziozi zimona bakhomba zi Lazale ayi bakundi bandi!
3. Vuvu kidi mu diambu di batu bo bafua?
Bibila kiveni tsila ti: ‘Pfulukulu yela ba.’ (Mavanga 24:15) Batu bo Yesu kafulukisa bayangalala bue zinga va mbata ntoto. Mu thangu batu beni bayiza fua basi kuenda ko ku diyilu. (Yowani 3:13) Bobuawu phe, Yesu maka fulukisa zimiliare zi batu va ntoto mu diambu di bazinga mvu ka mvu ku paladiso. Wutuba ti “batu boso bo badi mu biziami” bela fuluka—ayi bo tumana zimbakana, bela fuluka bila badi mu mayindu ma Nzambi.—Yowani 5:28, 29.
TUVISA MBOTI MBOTI
Tutadila bidimbu bidi mu Bibila bio bimmonisa ti batu bafua balenda fuluka. Ayi tutadila vuvu ayi lukindusu lo zitsila zitadidi pfulukulu zilembo tuvani.
4. Yesu wumonisa ti kalenda fulukisa batu bafua
Tuluta tadila mambu momo Yesu kavangila nkundi’andi Lazale. Tanga Yowani 11:14, 38-44 ayi vana mimvutu mu biuvu biabi:
Mbi bimmonisa ti bukiedika Lazale wuba wufua?—Tala verse 39.
Enati Lazale bu kafua ku diyilu kayenda, bue wummuena, Yesu titika kantika kiza bue vutakana va ntoto?
5. Zimiliare zi batu bela fuluka!
Tanga Minkunga 37:29 ayi vana mvutu mu kiuvu kiaki:
Kue kuela zingila batu bobo bela fuluka?
Yesu kelasie fulukisa ko kaka batu bo bansambilanga Yehova. Tanga Mavanga 24:15 ayi vana mvutu mu kiuvu kiaki:
Nabo wela yangalala mona mu pfulukulu?
Mu kondo phasi, Yesu lenda fulukisa mutu banga kuandi tata dimosi phila kalenda kotudila muan’andi nio wuleka
6. Pfulukulu yilenda kuvana vuvu ayi lukindusu
Batu bawombo bafuilu batu, babaka lukindusu mu disolo di pfulukulu di muana wu nketo wu Yayilusi. Tanga disolo beni mu Luka 8:40-42, 49-56.
Tuamina kafulukisa muana ndumba beni, Yesu wukamba siandi ti: “Bika mona boma ayi wilukila kaka.” (Tala verse 50.) Bue vuvu ki pfulukulu kilenda kusadisila . . .
enati mutu nio weta zola fuidi?
enati luzingu luaku mu vonza lueka?
Tala VIDEO ayi vana mvutu mu kiuvu kiaki.
Bue vuvu ki pfulukulu kivanina kibakala ayi kikindisila bambuta ba Phelicity?
BATU BANKAKA BETA TUBA TI: “Pfulukulu yidi ndozi yi dibaba.”
Ngeyo bue wum’banzila?
Verse mbi wulenda sadila yo yimmonisa ti pfulukulu yela ba?
MU BUKHUFI
Bibila kiveni tsila ti zimilare zi batu bela fuluka. Yehova katidi bazinga diaka ayi wuvana Yesu zingolo zi kubavutudila mu luzingu.
Phutukulu
Yehova ayi Yesu bue beta muena diyindu di fulukisa batu?
Batu bo bela fuluka kue bela zingila, ku diyilu voti va ntoto? Ayi bila mbi vanini mvutu wo?
Bila mbi mekikinina ti batu bo weta zola balenda bue zinga?
TALA MAMBU MANKAKA
Mayindu mo malenda kusadisa muingi wuba kibakala thangu mefuilu mutu.
“Okoki kolonga mpasi ya kobungisa moto na liwa” (Lamuká! No. 32018)
Zitsikudukusu zi Bibila zilenda sadisa mutu nioni fuilulu?
Bue bana balenda botudila kiadi thangu mutu nio beta zola kafuidi?
Batu bankaka bela fuluka mu diambu di zinga ku diyilu? Ba na bela kambu fuluka?