Mbi bio Kimfumu ki Nzambi?

Kimfumu ki Nzambi, kidi dilongi dingudi diodi Bibila kieta longa. Mu nzila Kimfumu kiandi, Yehova wela dukisa lukanu lo luba yandi bo kavanga ntoto. Mbi bio Kimfumu ki Nzambi? Bue tuzabidi ti lumbu kiaki Kimfumu beni kilembo sadi? Mambu mbi kime vanga? Ayi mbi kiela vanga mu bilumbu binkuiza? Dilongi diadi, ayi malongi mmuadi mo mankuiza, mela vana mimvutu mu biuvu biobi.

1. Mbi bio Kimfumu ki Nzambi, ayi nani Ntinu mu Kimfumu beni?

Kimfumu ki Nzambi luidi luyalu lo Yehova katudidi. Yesu Kristu niandi ntinu mu Kimfumu beni, nio wulembo yadi tona ku diyilu. (Matayi 4:17; Yowani 18:36) Bibila kikembi ti Yesu “luyalu luandi [. . .] luisi ko tsukulu.” (Luka 1:32, 33) Kimfumu kiandi kiela yadila batu boso badi va ntoto.

2. Ba na balembo yadi ayi Yesu?

Yesu kakadi yala niandi veka mu Kimfumu ki Nzambi. Bibila kitubidi ti “batu ba zimvila zioso, zimbembo zioso, batu boso ayi makanda moso, bafueti ba mintinu ayi yadila ntoto.” (Tsongolo 5:9, 10) Thalu kua badi? Tona Yesu kaba va ntoto, balonguki bandi badi zimilio. Vayi baboso belasie kuenda ko ku diyulu muingi beyadi ayi niandi. Khama yimosi ayi makumaya ayi zimili ziya (144 000) zi batu bela yala ayi Yesu. (Tanga Tsongolo 14:1-4.) Baboso bankaka bela bakila mamboti ma Kimfumu ki Nzambi va ntoto.—Minkunga 37:29.

3. Bila mbi Kimfumu ki Nzambi kilutidi bimfumu bioso bi batu?

Bulendakana badi na mayindu mamboti, bamfumu zi politiki balendi nunga ko dedikisa zikhanu ziawu zioso. Bawu yala mu mua ndambu mi mvu, beta kuiza bavinginina kuidi minyadi minkaka ayi bakalawu ko phe mayindu mamboti. Vayi nio wela yala mu Kimfumu ki Nzambi, belasie kumvinginina ko. Bukiedika Nzambi wela tula “Kimfumu kimosi kioki kielasie bungu ko.” (Danieli 2:44) Bo Yesu kela yadila nza yimvimba kela sie ba ko thalu zizi. Niandi ntinu widi ntima mboti, luzolo, busonga na buphombo ayi wela longisa batu bamonisa bikadulu beni biobi.—Tanga Yesaya 11:9.

4. Luyalu lu ngolo, lu nza yimvimba ayi lu mvu ka mvu

Yesu lutidi ngolo mu minyadi mioso mio mime vioka ayi mi bilumbu biabi. Tanga Matayi 28:18 ayi vana mvutu mu kiuvu kiaki:

• Disuasanu mbi didi mu mbiadulu yi Yesu ayi mu zimbiadulu zi batu?

Zimbiadulu zieta baluka thangu ka thangu ayi kadika mbiadulu yeta yadila kaka mua tini ki ntoto. Buabu, bue Kimfumu ki Nzambi kiela yadila? Tanga Danieli 7:14 ayi vana mimvutu mu biuvu biabi:

• Mbiadulu yi Kimfumu ki Nzambi “yelasie suka ko.” Bila mbi didi diambu dimboti?

• Kimfumu ki Nzambi kiela yadila nza yimvimba?

5. Mbiadulu yi mutu yifueti kaka botuka

Bila mbi Kimfumu ki Nzambi kifueti vinginina kaka bimfumu bioso bi batu? Tala VIDEO ayi vana mvutu mu kiuvu kiaki.

VIDEO: Bokonzi ya Nzambe ezali nini?—Video ya mokuse (1:41)

• Bila mbi tulenda tubila ti zimbiadulu zioso zi batu zisi nunga ko dukisa ziphuila zi batu bo balembo yadila?

Tanga Mpovi 8:9 ayi vana mvutu mu kiuvu kiaki:

• Ngeyo bue wummuena, bila mbi yididi mfunu Kimfumu ki Nzambi kivinginina bimfumu bi batu?

6. Minyadi mio mizebi ziphasi zieto

Yesu ntinu wu Kimfumu ki Nzambi, wuzingila va ntoto. Lenda sudika ziphasi zieto ayi “bundana mu ziawu.” (Ebelewo 4:15) Mu 144 000 ki batu bo Yehova kasobudi bela yala ayi Yesu, badi babakala ayi baketo ‘ba zimvila zioso, zimbembo zioso ayi makanda moso.’—Tsongolo 5:9.

• Bue wummuena bo mezaba ti Yesu ayi ba 144000 balenda sudika ziphuila zieto ayi mambu meto?

7. Minsiku mimboti

Bimfumu bieta tula minsiku mu diambu di mamboti ma batu bo balembo yadila. Kimfumu ki Nzambi phe kieta tula minsiku mu diambu di batu bandi bo kinyadila. Tanga 1 Kolinto 6:9-11 ayi vana mimvutu mu biuvu biabi:

• Mu ngeyo, bue nza yela bela mu thangu batu boso bela tumukinanga minsiku mi Nzambi?a

• Bue wummuena, bufueni kuandi ti Yehova katomba kuidi batu bandi batumukina minsiku mi phila yoyi? Ayi bila mbi?

• Mbi bimmonisa ti batu bo kaba tumukinanga ko minsiku beni miomi balenda kuawu baluka?—Tala verse 11.

MU BUKHUFI

Kimfumu ki Nzambi luidi luyalu lukiedika lo lukala ku diyilu. Kieka nduka yadila nza yimvimba.

Phutukulu

• Ba na bela yala mu Kimfumu ki Nzambi?

• Bila mbi Kimfumu ki Nzambi kilutidi bimfumu bioso bi batu?

• Yehova weta lomba kuidi batu boso banyadulu mu Kimfumu kiandi bazitisa minsiku miandi. Wulenda tanga ndambu minsiku beni?

TALA MAMBU MANKAKA

Bukiedika Yesu wulongisa ti Kimfumu ki Nzambi mu mintima mieto kidi?

“Bokonzi ya Nzambe ezali na motema na yo?” (Lisolo oyo ezali na Internet)

Bila mbi Bambangi zi Yehova badidi bakuikama mu Kimfumu ki Nzambi va buangu ki ba bakuikama mu bimfumu bi batu?

Bato oyo bamipesi mpo na Bokonzi ya Nzambe (1:43)

Mambu momo Bibila kitubidi mu diambu ditadidi 144 000 ki batu bo Yehova kasobudi bela yala ayi Yesu.

“Nani akokende na likoló?” (Lisolo oyo ezali na Internet)

Mbi bisadisa nketo mosi nio weba nuanisa mayindu ma kambu songa kawilukila ti Nzambi kaka lenda vutula busonga mu nza.

“Nayaki koyeba ete makambo ya kozanga bosembo ekosila” (Lamuká! ya 11/2011)