Kimfumu ki Nzambi kilembo sadi!

Kimfumu ki Nzambi kitona yadila ku diyilu tona mu mvu 1914. Tona thangu beni yina, mbiadulu yi batu yikota mu bilumbu bitsuka. Bue tuzabidi buawu? Tuzabidi buawu mu nzila zimbikudulu zi Bibila ayi mu mambu momo malembo salama mu nza tona mu mvu 1914. Tuluta tadila diambu beni mu dilongi diadi.

1. Zimbikudulu zi Bibila mbi zilembo monisa?

Nkanda Danieli wubikula ti Kimfumu ki Nzambi kiela tona yadila mu tsuka tsungi batedidi “thangu tsambuadi” (7). (Danieli 4:16, 17) Mimvu miwombo mime vioka, Yesu wutedila tsungi beni yina “Thangu baveni kuidi bapakanu,” ayi bu kaba va ntoto, wutuba ti tsungi beni yina yimeni ko. (Luka 21:24) Banga kuandi phila tukuiza muena mu dilongi beni diadi, thangu tsambuadi beni yimana mu mvu 1914.

2. Mambu mbi tulembo moni mu nza yimvimba tona mu mvu 1914?

Balonguki ba Yesu banyuvula: “Dimbu mbi kiela monisa phutukulu’aku ayi tsukulu yi Nza?” (Matayi 24:3) Yesu wuvutula, bo kela ba ntinu mu Kimfumu ki Nzambi ku diyilu, mambu mawombo mela salama va ntoto, zimvita, zinzala ayi zindikukunu zi ntoto. (Tanga Matayi 24:7.) Bibila kisamuna diaka ti mavanga ma batu mu “bilumbu bi tsuka” mela kitula luzingu lu batu ‘luba phasi.’ (2 Timote 3:1-5) Mawu mambu tulembo moni tona mu mvu 1914.

3. Bila mbi mambu mambimbi malembo monikina mu nza tona Kimfumu ki Nzambi kitona yala?

Buna katumbu bieko Ntinu mu kimfumu ki Nzambi, Yesu wunuana mvita ku diyilu ayi Satana buela diaka ayi ziphevi ziandi zimbimbi. Satana kasi nunga ko. Bibila kitubidi ti “wulozo va ntoto va kimosi ayi zimbasi ziandi.” (Tsongolo 12:9, 10, 12) Satana zebi ti nduka vondu keka. Nganzi yiwombo kadi diawu kalembo bimisina ziphasi ayi mambu mawombo mambimbi mu nza yimvimba. Diawu tume sudikila bila kio nza yime luta wadila mambu mawombo mambimbi! Vayi Kimfumu ki Nzambi kiela kuiza manisa mambu moso mambimbi.

TUVISA MBOTI MBOTI

4. Tutala zithalu ziozi zi kutusadisa mosi tuzaba ti Kimfumu ki Nzambi kitona yadila tona mu mvu 1914

VIDEO: Bokonzi ya Nzambe ebandaki koyangela na 1914 (5:02)

Mu thangu thama, Nebukadenesali ntinu Babiloni wuloto ndozi yo yiba kuidi Nzambi. Ndozi beni yi mbikudulu ayi tsudukusulu yo Danieli kasudikisa mu diambu di ndozi beni, yimonisa ti yitadila Nebukadenesali ayi Kimfumu ki Nzambi.—Tanga Danieli 4:17.a

Tanga Danieli 4:20-26 ayi mu nzila tablo, vutula mimvutu mu biuvu biabi bilandikini:

• A) Mambu mbi Nebukadenesali kamona mu ndozi yo kaloto?—Tala ziverse 20 ayi 21.

• B) Nti wo kaloto, bue wusundukila?—Tala verse 23.

• C) Mambu mbi mavioka ku tsuka “thangu tsambuadi”?—Tala verse 26.

Nguizani yidi mu nti wundozi ayi Kimfumu ki Nzambi

MBIKUDULU (Danieli 4:20-36)

Kimfumu

A) Nti widi wunneni ayi wunila

Kimfumu kikadi bue yala

B) “Zenga nti [. . .] ayi wuba wuzengana mu thangu tsambuadi” (7)

Kimfumu kieka bue yala

C) “Wela bue vutukila mbiadulu’aku”

Mu lungana kutheti ku mbikudulu beni . . .

• D) Nti beni na wummonisa?—Tala verse 22.

• E) Bue mbiadulu’andi yitelimina?—Tanga Danieli 4:29-33.

• F) Ku tsuka “thangu tsambuadi,” Nebukadenesali bue kayiza sundukila?—Tanga Danieli 4:34-36.

LUNGANA KUTHETI

Kimfumu

D) Nebukadenesali, ntinu Babiloni

Kimfumu kikadi bue yala

E) Kumbusa 606 tuamina thangu’eto (T.T.E.), Nebukadenesali wuyiza ba dilawu ayi tsambuadi ki mimvu mivioka kasi bue yala ko

Kimfumu kieka bue yala

F) Nebukadenesali belukidi ayi tonini bue yala

Mu lungana kummuadi ku mbikudulu beni . . .

• G) Nti beni na wummonisa?—Tanga 1 Lusansu 29:23.

• H) Bue kimfumu beni kiyiza teka lembo bue sala? Bue tuzabidi ti kimfumu beni kiba kaka kitelama thangu Yesu kaba va ntoto?—Tanga Luka 21:24.

• I) Kue ayi thangu mbi kimfumu beni ki bo tonina sala?

LUNGANA KUMMUADI

Kimfumu

G) Mintinu mi Iseli mio mimmonisa mbiadulu yi Nzambi

Kimfumu kikadi bue yala

H) Yelusalemi yibuidi ayi mintinu mi Iseli mikadi bue yala mu thangu yi 2 520 ki mimvu

Kimfumu kieka bue yala

I) Ku diyilu, Yesu weka Ntinu mu Kimfumu ki Nzambi

5. Nza yibaluka tona mu mvu 1914

Tala VIDEO.

VIDEO: Mokili ebongwaná banda 1914 (1:10)

Yesu wusamuna bue nza yela bela bo kela biala Ntinu. Tanga Luka 21:9-11 ayi vana mvutu mu kiuvu kiaki:

• Mambu moso batubidi mu ziverse ziazi, mambu mbi memona malembu lungana?

Mvuala Polo wusudikisa bue buela bela mavanga ma batu mu bilumbu bitsuka. Tanga 2 Timote 3:1-5 ayi vana mvutu mu kiuvu kiaki:

• Mavanga mbi mambimbi mo Polo katubila malembu monika kuidi batu ko weta vuanda?

6. Mbiadulu yi Kimfumu ki Nzambi yilembo tutumi tuvanga diambu

Tanga Matayi 24:3, 14 ayi vana mimvutu mu biuvu biabi:

• Kisalu mbi kimfunu wombo kilembo salama kio kimmonisa ti Kimfumu ki Nzambi kitona Yala?

• Bue wulenda buedila mioko mu kisalu beni?

Kimfumu ki Nzambi kitona yala ayi fioti kuandi fisiedi kieka nduka yadila ntoto wumvimba. Tanga Ebelewo 10:24, 25 ayi vana mvutu mu kiuvu kiaki:

• Mambu mbi beto boso tufueti vanga bo ‘tume zaba ti fioti fisiedi Kimfumu ki Nzambi kieka nduka kuiza’?

MU BUKHUFI

Zimbikudulu zi Bibila ayi mambu mo malembo monika mu nza yimvimba, malembo monisa ti Kimfumu ki Nzambi kilembo yadila ku diyilu. Mu thangu tueta samuna ayi mu thangu tueta kutakana mu zikhutukunu, buawu tueta monisina ti tueta kikinina Kimfumu ki Nzambi.

Phutukulu

• Mambu mbi mavioka ku tsuka yi thangu tsambuadi mo mbikudulu yi Danieli yitubidi?

• Bila mbi kikinini ti Kimfumu ki Nzambi kitona yala tona mu mvu 1914?

• Mambu mbi wulenda vanga mo mammonisa ti kikinini Kimfumu ki Nzambi kitona yala?

TALA MAMBU MANKAKA

Batu bantubanga masolo mathama ayi basipesialisite, batubidi mambu mo mame baluka tona mu mvu 1914.

“Ntango nini bizaleli ya bato ekómaki mpenza kobeba?” (Lamuká! ya 04/2007)

Mbikudulu yidi mu Matayi 24:14 yi balula luzingu lu bakala dimosi.

“Nalingaki lisano ya Baseball koleka eloko nyonso!” (Linɔ́ngi ya Mosɛnzɛli No. 3 2017)

Bue tuzabidi ti mbikudulu yo yitubulu mu Danieli kapu 4 yitadidi Kimfumu ki Nzambi?

“Bokonzi ya Nzambe ebandaki koyangela ntango nini? (Eteni 1)” (Linɔ́ngi ya Mosɛnzɛli ya 01/10/2014)

Mbi bimmonisa ti “thangu tsambuadi” yo yidi mu Danieli kapu 4 yi yiza suka mu mvu 1914?

“Bokonzi ya Nzambe ebandaki koyangela ntango nini? (Eteni 2)” (Linɔ́ngi ya Mosɛnzɛli ya 01/11/2014)