DILONGI 33
Mambu mo Kimfumu ki Nzambi kikuiza vangi
Kimfumu ki Nzambi kilembo yadi. Fioti fisiedi, makibalula mambu mawombo va ntoto. Tutala mambu mamboti mo kikuiza tunatina.
1. Bue Kimfumu ki Nzambi kiela vutudila ndembama ayi busonga va ntoto?
Yesu, Ntinu wu Kimfumu ki Nzambi, wela vonda batu bambimbi ayi bimfumu bioso bimbimbi mu thangu mvita Alimangedoni. (Tsongolo 16:14, 16) Mu thangu beni yina, tsila ya yi Bibila yela lungana yo yitubidi ti: “Fioti kuandi fisiedi buna batu bambimbi balendi buela monika ko.” (Minkunga 37:10) Mu nzila Kimfumu, Yesu wela tula ndembama ayi busonga va ntoto.—Tanga Yesaya 11:4.
2. Luzingu bue luela bela mu thangu luzolo lu Nzambi luela vangama va ntoto?
Thangu Kimfumu ki Nzambi kiela tona yadila, “batu basonga bela tambula tsi banga kiuka ayi bela mu kalanga mu zithangu ziozo.” (Minkunga 37:29) Yindula theti, mutu woso wela ba wusonga ayi wuduka, mutu woso wela zola Yehova ayi mfinangani’andi. Kadi mutu wela bue bela ayi tuela zinga mvu ka mvu.
3. Mambu mbi Kimfumu ki Nzambi kiela vanga mu thangu kiela mana bunga batu bambimbi?
Buna kela mana bunga batu bambimbi, Yesu wela bue yadila mu 1 000 ki mimvu. Mu thangu beni yina, 144 000 ki batu bela yala ayi niandi, Yesu wela sadisa batu baba baduka. Ku tsuka yi 1 000 ki mimvu, ntoto wela ba paladiso mosi yi kitoko, yo yela ba yiwala batu badi mu mayangi, bila beta zitisa minsiku mi Yehova. Yesu wela vutula Kimfumu kuidi Siandi, ayi ‘dizina di Yehova diela santusu’ viokila bilumbu bime vioka. (Matayi 6:9, 10) Wela monisa ti Yehova widi nyadi wumboti nioni weta kipa batu bo kalembo yadila. Ku manima, Yehova wela vonda Satana, ziphevi zimbimbi ayi batu boso bo bakadi zola landakana luyalu lu Yehova. (Tsongolo 20:7-10) Mambu mamboti mo mela nata Kimfumu ki Nzambi, mela zingila mvu ka mvu.
TUVISA MBOTI MBOTI
Tutala bila mbi tulenda kikinina ti Nzambi wela sadila Kimfumu kiandi mu diambu di dukisa mambu mo Bibila kitubidi mu bilumbu binkuiza.
4. Kimfumu ki Nzambi kiela botula bimfumu bioso bi batu
‘Mutu weta yadila n’diandi mutu mu diambu di kummonisa ziphasi.’ (Mpovi 8:9) Mu nzila Kimfumu kiandi, Yehova wela mana botula mambu moso mambimbi momo kambu kubusonga kume bimisa.
Tanga Danieli 2:44 ayi 2 Tesalonika 1:6-8, ayi vana mimvutu mu biuvu biabi:
Mambu mbi Yehova ayi Yesu bela tula kuidi bimfumu bi batu ayi bo beta kuba buela mioko?
Mu tadila mambu mo melonguka mu diambu di Yehova ayi Yesu, bila mbi mekikinina ti mambu moso bela vanga, mela salimina mu busonga?
5. Yesu widi ntinu nioni lutidi bumboti
Yesu wela vanga mambu mawombo mamboti kuidi batu bo kela yadila va ntoto mu Kimfumu ki Nzambi. Tala VIDEO yo yimmonisa ti Yesu tidi sadisa batu ayi ngolo zidi yandi zi kubu vangila mu lusadusu lu Nzambi.
Mu thangu kaba va ntoto, Yesu wumonisa ndambu mambu mo kela vanga mu Kimfumu kiandi. Mu tadila zitsila zidi va wanda vava, tsila mbi mawu yangalala mona lungana kuandi? Mu kadika tsila, tanga ziverse zia zidi va wanda.
BO KABA VA NTOTO, YESU . . . |
KU DIYULU, YESU . . . |
|---|---|
|
|
|
|
|
|
|
|
6. Luzingu lumboti mu bilumbu binkuiza mu nzila Kimfumu ki Nzambi
Kimfumu ki Nzambi maki dedikisa mambu mo Yehova kakubika mu diambu di batu tona va thonono. Bela zinga mvu ka mvu ku paladiso. Tala VIDEO mosi wumona, bue Yehova kalembo sadila muan’andi Yesu mu diambu di dukisa lukanu luandi.
Tanga Minkunga 145:16 ayi vana mvutu mu kiuvu kiaki:
Bue wummuena diyindu diodi Yehova kadi mu diambu di “[dukisa] phuila yi bivangu biandi bioso bimoyo”?
BATU BANKAKA BETA TUBA TI: “Ti tubuedidi mioko beto boso, tulenda kueto nunga manisa mambu moso mambimbi malembo tatisa batu mu nza yayi.”
Kimfumu ki Nzambi makiza manisa mambu moso maphasi mo bimfumu bi batu bikadi nunga manisa. Dedi mambu mbi?
MU BUKHUFI
Kimfumu ki Nzambi kiela dukisa lukanu luandi. Kiela balula ntoto woso wumvimba paladiso, kuawu bisadi bi Yehova bela zingila mvu ka mvu.
Phutukulu
Bue Kimfumu ki Nzambi kiela kembisila dizina di Yehova?
Bila mbi tulenda kikinina ti Kimfumu ki Nzambi kiela dukisa zitsila zioso zio Bibila kiveni?
Mu tala mambu mo Kimfumu ki Nzambi kikuiza tudi va ntoto, diambu mbi tidi divika lungana?
TALA MAMBU MANKAKA
Alimangedoni mbi yinsundula?
“Etumba ya Armagedone ezali nini?” (Lisolo oyo ezali na Internet)
Mambu momo mela salama mu thangu yoyi Ysu katedila “ziphasi zinneni.”—Matayi 24:21.
Dikanda dimosi dilembo yindula phila luzingu luawu luela bela ku paladiso.
Disolo di mutu mosi weba tombanga balula mambu mambimbi madi mu nza, mutu beni wubaka mimvutu mu biuvu bio keba kiyuvusanga, disolo beni ditubidi ti: “Biuvu biwombo bibe kuntatikisanga.”
“Biblia ebongolaka bato” (Linɔ́ngi ya Mosɛnzɛli ya 01/01/2012)