DILONGI 49
Bue dikanda diaku dilenda bela mu mayangi—Tini 01
Batu bobo bakuelini bosi, beta ba na vuvu ti bela tatamana ba mu mayangi, tona lumbu kioki bakuelini tii mu luzingu luawu loso. Makiedika balenda bu bela. Bakristu bo bakuelana thama, bo beta sadila malongi ma Bibila, bazebi ti buawu buididi.
1. Malongi mbi Bibila kiveni kuidi bakala wukuela?
Yehova wutula ti bakala ka ba mfumu dikanda. (Tanga Efeso 5:23.) Katidi ti bakala kabaka zinzengolo mu diambu di mamboti ma dikanda diandi. Bibila kikembi kuidi ba bakala bakuela ti: “Batatamana zola baketo bawu.” (Efeso 5:25) Mbi yinsundula? Bakala di luzolo zanti ka kala kuidi nketo’andi buba va kitsueki voti va nyalu nguba. Weta kuntanina ayi weta tula ngolo mu diambu di dukisa zitsatu ziandi zi kinsuni. (1 Timote 5:8) Kilutidi mfunu, weta kunsadisa kaba pfika pfika kuidi Yehova. (Matayi 4:4) Mu kifuani, weta tula lusambulu ayi weta tanga Bibila va kimosi ayi nketo’andi. Thangu bakala kalembo kipi nketo’andi bumboti mboti, weta kuiza ba nguizani yimboti ayi Yehova.—Tanga 1 Piela 3:7.
2. Malongi mbi Bibila kiveni kuidi nketo nio wukuela?
Mbembo Nzambi yitubidi ti nketo “kafueti ba luzitu luwombo kuidi nnuni’andi.” (Efeso 5:33) Mbi yinsundula? Kafueti yindula bikadulu bimboti bi nnuni’andi ayi zingolo zio keta tula mu kunkipa ayi bana bandi. Kafueti kinzika zinzengolo zi bakala diandi, kunkambila mambu mu zanti ayi tubila mamboti mandi buba kasi ko Mbangi Yehova.
3. Bue bakala ayi nketo balenda yonzudila luzolo mu dikuela diawu?
Bibila kitubidi ti, bakala ayi nketo bo bakuelana: ‘badi nsuni wumosi.’ (Matayi 19:5) Yawu yinsundula ti, bafueti tula zingolo mu nuanisa bifu bio bilenda kubavambisa. Beta butudila bu bamviokisa thangu va kimosi, mu thangu balembo solula mu bukiedika ayi mu luzolo mambu mo banyindula ayi phila yoyi bammuena. Batulanga ko mutu voti kima kiluta ba mfunu kuidi bawu, botula kaka Yehova. Diawu, bafueti tula ngolo mu kambu tula nguizani ayi mutu nkaka mu viokisa tezo.
TUVISA MBOTI MBOTI
Tutadila ndambu zitsikudukusu zi Bibila zio zilenda kindisa dikuela diaku.
4. Bakala—zola nketo’aku ayi nkipi bumboti
Bibila kitubidi ti “babakala bafueti zola baketo bawu banga phila beta zodila zinitu ziawu.” (Efeso 5:28, 29) Mbi dinsundula? Tala VIDEO ayi vana mvutu mu kiuvu kiaki kilandikini.
Mu ziphila mbi bakala kalenda monisina nketo’andi ti weta kun’zola ayi weta kunkipa bumboti?
Tanga Kolosayi 3:12 ayi vana mvutu mu kiuvu kiaki:
Mu phila mbi bakala kalenda monisina bikadulu beni biobi kuidi nketo’andi?
5. Nketo—zola ayi kinzika nnuni’aku
Bibila kieta kindisa nketo kakinzika bakala diandi, buba ti bakala beni weta sadila Yehova voti nana. Tanga 1 Piela 3:1, 2 ayi vana mimvutu mu biuvu biabi:
Enati nnuni’aku kasi ko Mbangi Yehova, thangu zinkaka weta yindula ti kalenda sadila Yehova. Mu ngeyo, mbi bilenda kuntuma kasadila Yehova? Kunsamunina mu kambu vonga, voti kummonisina bikadulu bimboti ayi kunkinzika? Bila mbi?
Khumbu ziwombo, bakala ayi nketo beta kuiza baka zinzengolo zimboti va kimosi. Vayi, thangu zinkaka nketo kalenda kambu kikinina nzengolo yi nnuni’andi. Mu diambu beni diodi, kalenda monisa mabanza mandi mu malembi moso ayi mu lukinzu, bila kafueti zaba ti Yehova niandi veni bakala kiyeko kibaka zinzengolo va dikuela mu diambu di mamboti ma dikanda. Kafueti tula zingolo mu tumukina zinzengolo zim’baka nnuni’andi. Niandi butudila, yawu mayi tula ti nzo’awu yi ba mu mayangi. Tanga 1 Piela 3:3-5 ayi vana mvutu mu kiuvu kiaki:
Yehova bue keta muena enati nketo lembo kinzika bakala diandi?
6. Wulenda nunga mambu ma ziphasi mo malenda bima va dikuela dieno
Kuisi ko kadi dikuela disonga mu nza yayi. Bakala ayi nketo’andi, bafueti ba mu kithuadi mu diambu di manisa mambu ma ziphasi mo malembo batatisa mu dikuela diawu. Tala VIDEO ayi vana mimvutu mu biuvu biabi bilandikini.
Mu mambu mo tume tala mu video yayi, mbi bilembo monisa ti bakala ayi nketo beka kithatu?
Mambu mbi batula muingi bakindisa dikuela diawu?
Tanga 1 Kolinto 10:24 ayi Kolosayi 3:13. Nge mana tanga ziverse ziazi vana mimvutu mu biuvu biabi:
Sadila malongi beni momo, mamboti mbi malenda natina batu bo bakuela?
Bibila kilembo tulombi tuzitasananga betu na betu. Zitisa mutu yinsundula, kummonisina lukinzu ayi zanti. Tanga Loma 12:10 ayi vana mimvutu mu biuvu biabi:
Bakala ayi nketo, wumosi mu bawu, kafueti tombanga ti n’diandi katuama ku n’zitisa? Bila mbi?
BATU BANKAKA BETA TUBA TI: “Mu thangu tukuelana, buawu ko buabu tubela.”
Enati mutu mosi wukembi phila yoyi, bue wulenda kummonisina ti Bibila kilenda sadisa dikuela diawu?
MU BUKHUFI
Bakala ayi nketo, balenda ba mu mayangi enati balembo zolasana, kinzasana ayi sadila zitsikudukusu zi Bibila.
Phutukulu
Mbi bakala kalenda tula muingi dikuela diandi di ba mu mayangi?
Mbi nketo kalenda tula muingi dikuela diandi di ba mu mayangi?
Enati widi wukuela, zitsikudukusu mbi zi Bibila zilenda kusadisa wukindisa dikuela dieno?
TALA MAMBU MANKAKA
Mambu mo malenda kulusadisa mu diambu di dikuela dieno diba mu mayangi.
Video mosi yi luimbu yilembo tubila mamboti mo meta baka batu bo beta sadila zindongi zi Nzambi mu dikuela diawu.
Tumukina kimfumu ki nnuni’aku mbi yinsundula?
“Basi, mpo na nini kotosa bokonzi?” (Linɔ́ngi ya Mosɛnzɛli ya 15/05/2010)
Bue bakala dimosi ayi nketo’andi banungina mambu maphasi mudikuela diawu-buba phe phondolo yi dikuela beni?
Tobongisaki lisusu libala na biso na lisalisi ya Nzambe (5:14)