DILONGI 58
Tatamana ba wukuikama kuidi Yehova
Kuisi ko kima voti mutu kilenda kakidila nguizani yi mukristu ayi Yehova. Mu kondo finda phaka, ngeyo phe buawu weta muena. Yehova weta yangalala buwombo mu kuikama ko widi kuidi niandi. (Tanga 1 Lusansu 28:9.) Mambu mbi malenda tula kuikama kueto kuidi Yehova mu nzomono? Ayi bue bunungina nzomono beni?
1. Bue bankaka belanda tomba kututatudila ayi Yehova?
Batu bankaka balenda tomba kutukandika tubika sadila Yehova. Batu beni, yilenda ba batu bo babika kiedika ayi balembo tembikisa mambu maluvunu mu diambu di khubukulu yi Nzambi mu lukanu luvonda minu kieto. Bawu badi batu bo babika kiedika. Kuidi diaka ayi bamfumu zi mabundu bo beta tembikisa mambu ma luvunu mu diambu dieto muingi bavukumuna bakristu bawombo babotuka mu kiedika. Didi diambu dimbimbi mu tula ziphaka ayi batu ba phila yoyi voti landakana mambu mawu. Kuidi batu bo beta zola vonda kuikama kueto kuidi Yehova, Yesu tubidi ti: ‘Lubabika. Badi baphovo bo balembo nati baphovo bankaka. Enati phovo wulembo monisa phovo yandi nzila, baba buadi bafueti tibuka mu dibulu.’—Matayi 15:14.
2. Bue kuikama kueto kueta monikina mu mambu mo tueta sobula?
Mu luzolo lo tukala kuidi Yehova, tulendi bue ba ko nguizani ayi mabundu maluvunu. Yawu yinsundula ti tuedi kota ko mu mambu ma mabundu maluvunu banga kisalu, kimvuka ayi mangumba mawu. Mu diambu ditedi ‘‘Babiloni dinneni’’, Yehova wutukembi mboti mboti ti: “A batu bama, bika lubotuka va khati tsik’andi.”—Tsongolo 18:2, 4.
TUVISA MBOT MBOTI
Tutala bue bu mangina mambu moso mo malenda vongisa kuikama kueto kuidi Yehova, ayi tutala diaka ‘totuka mu Babiloni dinneni mbi yinsundula.’
3. Kebila minlongi mi luvunu
Mbi fueti tula enati wilu mutu mosi wumvuezila khubukulu yi Yehova? Tanga Zingana 14:15 ayi vana mvutu mu kiuvu kiaki:
Bila mbi tulendi ko kikinina mambu moso mo tueta wa?
Tanga 2 Yowani 10 ayi vana mimvutu mu biuvu biabi:
Bue tufueti tadila batu bo babika kiedika?
Bu ba ti tusolulanga ko ayi batu bo babika kiedika, bue mabanza mawu malenda tudila kuidi beto?
Mu ngeyo, bue Yehova maka muena mu thangu tulembo wa batu bo balembo tubi mambu mambimbi mu niandi ayi khubukulu’andi?
4. Mu thangu khomba mosi kavengi disumu
Enati tumueni khomba mosi mu khatika kimvuka vengi disumu dinneni, mbi tufueti tula? Muingi tuzaba mbi tufueti tula, tutala verse yo yintubila nsiku wo Yehova kavana bana ba Iseli. Tanga 3 Mose 5:1.
Mu tadila tsikudukusu yo tumueni mu verse yoyi, enati tumueni khomba mosi vengi disumu dinneni, tufueti kamba bakulutu. Vayi tuamina wenda kuidi bakulutu, bufueni wubata mutu nio vengi disumu ayi wunkindisa kenda bati bakulutu. Enati kakadi butudila, kuikama kueto kuidi Yehova makututuma tue bati bakulutu ayi ku bakamba diambu dio kavengi. Bue tudila phila beni yoyi, yilembo monisina luzolo lueto lukuikama kuidi . . .
Yehova?
mutu nio vengi disumu?
bakhomba bankaka ba kimvuka?
Ti khomba mosi vengi disumu dinneni, tula nsualu mu kunsadisa
5. Tatukila Babiloni dinneni
Tanga Luka 4:8 ayi Tsongolo 18:4, 5 ayi vana mimvutu mu biuvu biabi:
Nguizani mbi ndikhidi ayi dibundu dio ndiba?
Ndidi wumosi mu batu bo beta buela mioko mu khubukulu yo yidi nguizani ayi dibundu dinkaka?
Kisalu kiama nguizani kidi ayi dibundu di luvunu?
Kuidi ayi mambu mo mammonika mu minu mo madi nguizani ayi mabundu maluvunu?
Enati phutudi ninga mu kimosi mu biuvu beni biobi, mambu mbi fueti tula?
Mu mambu moso, baka zinzengolo zio zikuiza monisa kuikama kuaku kuidi Yehova ayi zio ziela kusadisa wuba kansasa kimboti.
Enati khubukulu yi dibundu di luvunu yitombidi wuvana makaba. Mbi wulenda tula?
BATU BANKAKA BETA TUBA TI: “Mu diambu di ndinuanina kiedika, ndifueti wa batu bo babika kiedika ayi wa mambu mo beta tuba mu diambu di Bambangi zi Yehova.”
Bue wummuena, diyindu dio difuana kuandi didi? Bila mbi?
MU BUKHUFI
Mu kuikama kueto kuidi Yehova, tulendi ko fubakana ayi batu bobo beta tomba kututatula kuidi niandi.
Phutukulu
Bila mbi ka wulendi wila ko mambu momo meta tuba ba apostat?
Diambu mbi wufueti tula enati wilu khomba mosi wubakala voti wunkento vengi disumu dinneni?
Bue mukristu kalenda monisina ti bikidi dibundu diluvunu?
TALA MAMBU MANKAKA
Mbi tufueti tula enati tueka wa bina binungu nungu mu diambu di Bambangi zi Yehova?
“Otalelaka makambo malamu liboso ya kondima yango?” (Linɔ́ngi ya Mosɛnzɛli ya 08/2018)
Mbi tufueti tula enati kisalu voti diambu bikututula tubuela mioko Babiloni dinneni?
Ti mu tezo ki phila mbi bambeni zieto badidi bakubama mu vonda minu kieto?
Disolo di mumpe mosi wuvonda nguizani ayi dibundu diandi (disolo diluzingu “Nditona tomba Nzambi tona mu bumuana buama”).
“Biblia ebongolaka bato” (Linɔ́ngi ya Mosɛnzɛli ya 01/07/2011)