DILONGI 53
Sobula phiokosolo thangu yoyi yeta yangidika Yehova
Yehova wukala “Nzambi yi zikhini.” (1 Timote 1:11) Katidi phe betu tu ba mu zikhini ayi tuyangalala mu luzingu. Weta yangalala bo ntubaka thangu yi vundila ayi yi vukusila. Mu dilongi diadi matu mona phila yo tulenda sadila zithangu zieto zivukusila mu phila yo yikutunatina mamboti ayi yo yinyangidika Yehova.
1. Mambu mbi tufueti tadila mu thangu tulembo vukusa?
Mambu mbi weta zola vanga mu thangu wumvukusa? Batu bankaka beta yangalala tanga buku va buangu kio kidi dio suii, wa maluimbu, tala filime voti tala mambu mu interneti. Batu bankaka beta yangalala tula zifiziki va kimosi ayi bakundi, banga kue zawulanga nzila nzila, siuka mu nlangu voti bula ndimbu. Buba yoso kuandi phiokosolo thangu yo tueta zola, tufueti tula zingolo phiokosolo thangu’eto ‘yi yangidika Mfumu.’ (Efeso 5:10) Didi diambu dimboti mu kubutudila bila kuidi ayi ziphiokosolo thangu ziwombo zio zieta kindisa mambu mo Yehova keta lenda, banga kikhesi, kitsuza voti mambu ma ziphevi zimbimbi. (Tanga Minkunga 11:5.) Mbi bilenda kutusadisa tuzaba sobula ziphila zimboti ziviokisila thangu?
Enati bakundi betu beta zola Yehova balenda kutusadisa tuzaba sobula phila yimboti yi viokisila thangu. Banga kuandi phila tubumuenini mu dilongi 48 di buku yayi, “mutu nio weta diata ayi badi nduenga, niandi phe maka ba nduenga.” Vayi batu bo bamviokisanga thangu ayi batu bo bazolanga ko minsiku mi Yehova “bela bungu.”—Zingana 13:20.
2. Bila mbi dididi diambu dimfunu mu zaba zithangu zio tukuiza viokisanga mu phiokosolo thangu’eto?
Sobula thangu mu phila yifuana didi diambu dimboti vayi tufueti zaba zithangu zikua tukuiza vani mu phiokosolo thangu beni. Enati tukiveni mu phiokosolo thangu beni, tukuiza bo baki ko thangu yi vangila mambu ma lutidi mfunu. Bibila kikutukindisa “tuzaba sadila bumboti mboti thangu’eto.”—Tanga Efeso 5:15, 16.
TUVISA MBOTI MBOTI
Tutala bue busobudila ziphila zimboti zi viokisila thangu.
3. Tumanga phiokosolo thangu yimbimbi
Bila mbi tufueti sobudila bumboti mboti phil’eto yi viokisila thangu? Tala VIDEO ayi vana mimvutu mu biuvu biabi bilandikini.
Nguizani mbi yidi mu kipa kinuana kio kiba mu thangu thama ayi mu ziphiokosolo thangu zio zidi mu bilumbu biabi?
Mambu mbi Danny kalonguka mu diambu ditedi phiokosolo thangu?
Tanga Loma 12:9 ayi vana mvutu mu kiuvu kiaki:
Bue verse ya yilenda kusadisila mu diambu ditedi phila yi sobudila phiokosolo thangu?
Mambu mbi Yehova keta lenda? Tanga Zingana 6:16, 17 ayi Ngalatiya 5:19-21. Ngeyo mana tanga ziverse ziozi, vana mvutu mu kiuvu kiaki:
Mu mambu mo tume tanga mu ziverse ziazi, mambu mbi meta luta monika mu ziphiokosolo thangu zi bilumbu biabi?
Tuamina tusobula phiokosolo thangu mosi . . .
tufueti kiyuvula:
Mbi? Muidi ayi mambu mo Yehova keta lenda?
Thangu kua? Yilembo khandikila ndibika viokisa thangu mu mambu malutidi mfunu?
Na? Yilembo tudi ti ndiba nguizani ayi ndiviokisa thangu va kimosi ayi batu bo kabazolanga ko Yehova?
Muingi wukitanina wufueti tula zingolo mu kambu kuenda vama vo vadi vonza. Diawu, tufueti tatukila phiokosolo thangu yoso yo tummona ti yidi yimbimbi
4. Tuzaba sadila bumboti mboti thangu’eto
Tala VIDEO ayi vana mvutu mu kiuvu kiaki kilandikini.
Buba ti khomba nio tumueni mu video yayi, keba talangandi ko mambu mambimbi, vayi ve yibela diambu dimbimbi mu phila yoyi keba viokisilanga thangu?
Tanga Filipi 1:10 ayi vana mvutu mu kiuvu kiaki:
Bue verse ya yilenda kusadisila wuzaba zithangu zikua wukuiza tudi mu phiokosolo thangu’aku?
5. Tusobula ziphiokosolo thangu zimboti
Ziphiokosolo thangu zinkaka ziyangidikanga ko Yehova vayi kuidi ayi zinkaka zio zikala zimboti. Tanga Mpovi 8:15 ayi Filipi 4:8 ayi vana mvutu mu kiuvu kiaki:
Phiokosolo thangu mbi yimboti yo weta zola?
Kuidi na ziphila ziphiokosolo thangu zimboti
BATU BANKAKA BETA TUBA TI: “Yisiandi mbimbi ko mu tala zifilime zio zilembo monisa mambu ma nuana, ma kitsuza ayi mambu ma ziphevi zimbimbi. Dilutidi mfunu manga vanga mambu mo wuntala.”
Bue wummuena?
MU BUKHUFI
Yehova tidi ti tuviokisanga thangu yo yikutunatina mambu mamboti.
Phutukulu
Ziphiokosolo thangu mbi mukristu kafueti manga?
Bila mbi tufueti zabila keni thangu zikua tukuiza viokisa mu phiokosolo thangu?
Bila mbi tididi sobula ziphiokosolo thangu zio zieta yangidika Yehova?
TALA MAMBU MANKAKA
Na widi kiyeko kikutusobudila phila yi viokisila thangu?
“Batatoli ya Yehova bapekisaka bafilme, babuku, mpe banzembo mosusu?” (Lisolo oyo ezali na Internet)
Mayindu mamboti mo malenda kutusadisa tuzaba sobula phila yimboti yi viokisila thangu.
“Oponaka kominanola oyo ebongi?” (Linɔ́ngi ya Mosɛnzɛli ya 15/10/2011)
Disolo di mutu mosi wubalula phil’andi yi viokisila thangu (disolo di luzingu “Ndinunga lembo kifu kiyindudila batu mambu mambimbi”).
“Biblia ebongolaka bato” (Linɔ́ngi ya Mosɛnzɛli ya 01/02/2010)
Diambu mbi mama dimosi kavanga mu thangu keba tala filime yi mambu ma ziphevi zimbimbi?
Boyá kominanola oyo ezali na boyokani na misala ya bilimo mabe (2:02)