DILONGI 56
Tanina bumosi bu kimvuka
Thangu tuidi va kimosi ayi bakhomba zieto ba babakala ayi ba baketo, tueta mona banga phila bumuena Davidi ti: “Yidi diambu dimboti ayi dikitoko mu thangu bakhomba ban’zingilanga va kimosi mu kithuadi!” (Minkunga 133:1) Bumosi bueto, buisi kuizila ko mu kinzimbukila. Diawu wumosi mosi mu beto kiyeko kadi kitanina bumosi beni.
1. Diambu mbi dieta luta monika kuidi bisadi bi Nzambi?
Enati wedi mu kimvuka kidi ku tsi yinkaka, buba wisi zaba ko mbembo yo balembo sadila mu kimvuka beni, mawu kimona banga ti widi kuandi mu kimvuka ki buala buaku. Bila mbi? Bila mu nza yimvimba, minkanda mi phila mosi kuandi tueta sadila mu thangu tunlonguka Bibila. Ayi tueta zolasana betu na betu. Buba kue tueta vuanda, ‘tueta kembisa dizina di Yehova ayi tueta kunsambidila mu bumosi.’—Sefania 3:9, noti.
2. Mbi fueti tula mu diambu di wutanina bumosi bu kimvuka?
“Luzolasananga beno na beno mu ntima wuvedila.” (1 Piela 1:22) Bue wulenda sadila ndongi beni? Va buangu kitalanga kaka mambimbi ma batu bankaka, tuluta talanga mamboti mawu. Kadi tomba kaka tula kikundi ayi batu bo badi luzingu luphila mosi ayi ngeyo, vayi tula kikundi ayi bakhomba boso ba babakala ayi ba baketo badi mimvila miviakana. Tula zingolo mu loza kifu kiyindudila batu mambu mambimbi.—Tanga 1 Piela 2:17.a
3. Mbi fueti tula enati wukadi bue wizana ayi khomba mosi mu khati kimvuka?
Tuidi batu badi mu bumosi, vayi phe tuisi ko baduka. Thangu zinkaka, tueta niongisa badieto voti kubalueka. Mbembo Nzambi yitukembi ti: “Lutatamana [. . .] lemvukilanga badieno,” ayi yitubidi diaka ti: “Bo buawu phe Yehova keta kulu lemvukila, beno phe lulemvukilanga badieno.” (Tanga Kolosayi 3:13.) Khumbu ziwombo tueta niongisa Yehova vayi niandi weta kutulemvukila. Diawu keta tombila ti betu phe tulemvukilanga badieto. Enati mueni mutu mosi wuluekidi, baka zikhubukulu zivutula ndembama ayi niandi.—Tanga Matayi 5:23, 24.b
TUVISA MBOTI MBOTI
mbama mu khati kimvuka.
Mbi wulenda tula mu diambu di wutula ndembama?
4. Nunga manga kifu kiyindudila batu mambu mambimbi
Tutidi zola bakhomba zieto boso, babakala ayi ba baketo. Vayi phasi yikala mu kikinina nioso kuandi mutu widi luviakanu ayi betu. Buabu mbi bilenda kutusadisa mu diambu beni? Tanga Mavanga 10:34, 35 ayi vana mimvutu mu biuvu biabi:
Yehova weta kikinina mintindu mioso mi batu minsambila. Mu tadila phila yoyi Yehova keta muena batu bankaka, bue yilenda kusadisila ngeyo phe wutadilanga batu bankaka mu phila yimboti?
Phila mbi yi yindudila batu mambu mambimbi yikala ko weta vuanda fueti manga?
Tanga 2 Kolinto 6:11-13 ayi vana mvutu mu kiuvu kiaki:
Mu ngeyo, bue wulenda bela pfika pfika ayi bakhomba babakala ayi ba baketo mu kondo tala minkanda miawu mi nitu voti zi tsi’awu?
5. Lemvukila mu ntima woso ayi tula ndembama
Yehova weta tulemvukila mu ntima woso buba ti niandi kavanganga ko mambu mambimbi. Tanga Minkunga 86:5 ayi vana mimvutu mu biuvu biabi:
Verse yayi dilongi mbi yituveni mu phila yoyi Yehova keta tulemvukila?
Bila mbi zaba ti Yehova weta kutulemvukila dieta tuvanina zikhini?
Mu mambu mbi yilenda bela thangu zinkaka phasi mu wizana ayi badieto?
Bue tulenda sokudila Yehova mu diambu di tutatamana ba mu nguizani yimboti ayi bakhomba zieto ba babakala ayi ba baketo? Tanga Zingana 19:11 ayi vana mvutu mu kiuvu kiaki:
Enati mutu wufuemisini voti wuluekidi, mbi wulenda tula mu diambu di wuvutula ndembama?
Thangu zinkaka, tueta lueka badieto. Mu diambu diphila yoyi, mbi tufueti tula? Tala VIDEO ayi vana mvutu mu kiuvu kiaki kilandikini.
Mbi khomba niani wunketo widi mu video katula mu diambu di vutula ndembama?
6. Luta talanga mambu mamboti momo madi kuidi bakhomba zieto ba babakala ayi ba baketo
Mu thangu tunlonguka zaba bakhomba zieto ba babakala ayi ba baketo, tueti kuiza bakula mambu momo badidi ngolo ayi mo bakembolo ngolo. Buabu, mbi tufueti tulanga mu diambu di tutalanga kaka mambu mamboti mo madi kuidi bakhomba zieto? Tala VIDEO ayi vana mvutu mu kiuvu kiaki kilandikini.
Mbi bifueti kusadisa wutalanga kaka bikadulu bimboti bi bakhomba zieto ba babakala ayi ba baketo?
Yehova weta luta tala bikadulu bieto bimboti. Tanga 2 Lusansu 16:9a ayi vana mvutu mu kiuvu kiaki:
Mbi dikutula mu zaba ti Yehova weta luta tadila kaka bikadulu bieto bimboti?
Diama kio kimmonika kimboti kilenda kuandi ba na zimbivusu, vayi kidi ayi luvalu luwombo. Bo buawu kuandi phe bakhomba zieto boso badi batu bakondo duka vayi mfunu wombo badi va meso ma Yehova
BATU BANKAKA BETA TUBA TI: “Tuamina ndilemvukila mutu, kafueti keta kuiza kuthomba nlemvo.”
Bila mbi tufueti lemvukilanga badieto mu ntima woso?
MU BUKHUFI
Wulenda buela mioko mu tanina bumosi mu khati kimvuka mu thangu widi mutu nio weta lemvukila ayi mu thangu wummonisa luzolo kuidi bakhomba zieto ba babakala ayi ba baketo.
Phutukulu
Bue tulenda nungina bikila kifu kiyindudila batu mambu mambimbi?
Mbi wufueti tula enati wukadi wizana ayi khomba mosi mu khati kimvuka?
Bila mbi dididi diambu dimboti mu sokudila Yehova mu diambu ditedi lemvukila badieto?
TALA MAMBU MANKAKA
Kifuani kimosi kio Yesu kavana kilenda tusadisa tubika yindudilanga batu mambu mambimbi.
Wulenda kuaku lomba nlemvo buba ti kadi diambu dimbimbi wisi vanga ko?
“Kosɛnga bolimbisi ezali sɛkɛlɛ mpo na kozongisa boyokani” (Linɔ́ngi ya Mosɛnzɛli ya 01/11/2002)
Tala phila yoyi batu bankaka balongukila vangila badiawu mambu makambu ba thalu zizi.
Kosambisa te na kolanda oyo ezali komonana na libándá (5:06)
Mbi tufueti tula mu diambu di vutula nguizani muingi kimvuka kitatamana ba mu ndembama?
“Luká kosilisa matata na bolingo” (Linɔ́ngi ya Mosɛnzɛli ya 05/2016)
a Noti No. 6 yilembo sudikisa mambu momo mukristu kalenda tula mu diambu di kabika tambikisa kimbevo kio kieta tambakana kuidi bakhomba ziandi ba babakala ayi ba baketo.
b Noti No. 7 yilembo sudikisa bue bu dedikisila kambu kuwizana mu mambu matadidi zimbongo voti mambu madi va ntuala Leta.