Mateu

Yurupari uganani putari Jesus

4 Asui Espiritu urasu Jesus kampu kiti, asui Yurupari uri uputari uganani ae. 2 Asui Jesus kuarenta ara kuarenta pituna timaa nungara umbau, asui sasi ixupe yumãsi. 3 Asui uri ipiri kua ugananiwera umbeu ixupe:

—Deus raira rame inde remuyereu inde arama pão kua itaita rembau arama. 4 Maa Jesus umbeu ixupe:

—Yawe aintaumpinima timaa kuri aintauiku pão resepawa kuaita miraita, maa aintauiku kuri Deus inyenga rese kua usemuwaa Deus iyuru sui. 5 Asui Yurupari urasu ae aintaretama Jeruzalẽ kiti templu rakapi rupi iwate kiti. 6 Umbeu ixupe:

—Deus raira rame inde repuri templu sui, nyãse yawe aintaumpinima kuxima uxari kuri ianjuita usaru inde aintausupiri kuri aintaipu irumu inde tiarama renupa neipi ita rese. 7 Jesus usuaxara ae:

—Kuxima aintaumpinima yuiri, teremuserana putari neruixawa Deus. 8 Asui Yurupari urasu ae iwitera rese iwatewaa umukame umaa panye kua tetamaita uikuwaita kua mundu upe panye ipurangasawa yuiri. 9 Umbeu ixupe:

—Haxari kuri inde arama panye kua hamukamewaa remaa remunya rame ixe arama benditu. 10 Asui Jesus usuaxara ae unyee ixupe:

—Resu sesui inde Yurupari, nyãse yawe aintaumpinima kuxima rerikute remunya benditu neruixawa Deus supe, rerikute remunya kultu ixupe panye sui. 11 Asui Yurupari uxari ae, asui anjuita uri ipiri aintawajudari ae.

Jesus uyuiri Galileya kiti

12 Asui Jesus usendu irumu aintaumprezu Juão, uyuiri Galileya kiti. 13 Asui usuana Nazare sui, uri uiku Kafarnaum upe kua uikuwaa lagu rimbiwa kiti Zebulum upewaa Naftali upewaa yuiri. 14 Umunya kuaye umbeuwaa yawe kuximare kua utitikawaa Izaia, yawe umbeu, 15 Kua iwi sera Zebulum kua yuiri iwi Naftali lagu turusuwaa ruakiwaa Jurdão ruaxara kiti, aete Galileya tiwaita judeu retama, 16 kuaita miraita uikuwaita pitunawasu upe aintaumaa yepe turi kirimbawawaa, umuturiana aintarese kuaita miraita uikuwaita manusawa piterupi sasiyarawaa upe. 17 Asui Jesus uyupiru umbue miraita umbeu ainta supe:

—Petrukari pemanduarisawa pemanduari sasiyara pepekadu, nyãse kuayentuana perunde pesikari arama peruixawa arama kua iwaka ruixawa.

Usenui kuaita umbuewaita

18 Asui Jesus uwata lagu Galileya ruaki umaa mukuĩ apigawaita kua Simão Pedru kua yuiri imu Andre, aintaupisaitika aintauiku paraname nyãse upisaitikawaita ainta. 19 Asui umbeu ainta supe:

—Peyuiriana serakakuera haxari arama pepisaitika miraita Yurupari sui. 20 Asui kutara aintauxari aintapisa aintausu arama Jesus rakakuera. 21 Asui Jesus usu xingare umaa yuiri mukuĩ apigawa kua Zebedeu raira Tiagu imute Juão yuiri aintauwapika aintaigara upe aintapaya Zebedeu irumu aintaumukaturu aintauiku aintapisa, asui Jesus usenui ainta. 22 Asui aramete aintauxari aintaigara aintapaya yuiri aintausu arama sakakuera.

Umbue Galileya upe

23 Asui Jesus usu panye Galileya kiti umbue ainta aintasinaguga upe, umbeu ainta supe kua inyenga purangawaa aintaruixawa arama kuri kua Deus, umburi yuiri panye mãsi aintasui kuaita miraita. 24 Asui sesewara usika aintarese panye kuaita Siria upewaraita, ape aintaururi ipiri kuaita uikuaiwawaita, mãsiwerawaita yuiri, kuaita upurarawaita yuiri, demuniu upukuariwaita yuiri, kuaita urikuwaita mãsi puxuwerawa, pituawaita yuiri, asui umukaturu ainta. 25 Asui aintauri sakakuera siya miraita Galileya suiwaraita, Dekapuli suiwaraita yuiri, Jeruzalẽ suiwaraita yuiri, Judeya suiwaraita yuiri, kuaita yuiri Jurdão ruaxara suiwaraita yuiri.