Batismo — Yepé maã importantewaá!

Jesus umbeu cristãoitá ta urikuté ta uyubatizari. (Releri Mateu 28:19, 20.) Maã batismo? Maã yepé mira uprecisari umuñhã uyubatizari arama?

1. Maã usignificari batismo?

Kuá ñheenga “uyubatizari” uputari umbeu “uyapumi”. Usasá kuera kuayé Jesus irum uyubatizari ramé Jordão paranã upé; Jesus uyapumi pañhe ipira ií upé. Yakuá kuá resé ñhãsé uyubatizari riré aé ‘usemu paranã suí’. (Marko 1:9, 10) Mayé Jesus yawé, mairamé cristão supiwaitá ta uyubatizari, ta uyapumi pañhe aintá pira ií upé.

2. Maã yepé mira uxari ta ukuá uyubatizari ramé?

Uyubatizari ramé yepé mira uxari ta ukuá aé umeẽ ivida Jeová supé. Mayé aé umuñhã kuayé? Uyubatizari rundé, aé upurandú Jeová irum asuí umbeu uputariwaá umuñhã Jeová vontade pañhe ara. Aé uprometeri usú uadorari añhũ Jeová, asuí umuñhã Deus vontade importante piriwaá ixupé. Aé uparawaka ‘uxari aé pawaté’ asuí usendúwara maã Jesus umbeu asuí umusangá aé. (Mateu 16:24) Umeẽ resewara ivida Jeová supé asuí uyubatizari riré, yepé mira upoderi urikú yepé amizade kirimbá Jeová irum asuí awaitá irum ta uadorariwaá aé.

3. Maã yepé mira urikuté umuñhã uyubatizari arama?

Reyubatizari rundé, importante reyumbué Jeová resé asuí reruyari kirimbá isesé. (Releri Ebreoitá 11:6.) Reyumbué piri ramé Jeová resé asuí reruyari isesé, resú resaisú piri aé. Ape, resú reputari rembeu isesé amú miraitá supé asuí resú resikari reviveri mayé aé umbeu satambikawaá. (2 Timóteo 4:2; 1 João 5:3) Mairamé yepé mira uputari ‘umusurí’ Jeová, aé uparawaka umeẽ ivida ixupé asuí uyubatizari. (Kolosowaraitá 1:9, 10)a — Remaã nota.

REYUMBUÉ PIRI ARAMA

4. Yayumbué retana Jesus batismo resé

Releri Mateu 3:13-17 reyumbué piri arama Jesus batismo resé. Ariré pekuntari kuá resé:

• Será Jesus aé yepé taína piranga uyubatizari kuera ramé?

• Mayé aé uyubatizari? Será añhũ ta uyusena ií iakanga resé?

Uyubatizari rundé, Jesus uyupirũ umuñhã yepé murakí purangawaá Deus umeẽwaá ixupé umuñhã arama. Peleri Luka 3:21-23 asuí João 6:38. Ariré pekuntari kuá resé:

• Uyubatizari riré, mayewaá murakí importante piri Jesus supé?

5. Indé repoderi reyubatizari

Amuramé resikié remeẽ ne vida Jeová supé asuí reyubatizari. Ma reyumbué piri ramé Jeová resé asuí remuñhã maã aé umunduwaá, tiã resú resikié remuñhã arama kuayé. Remaã mayé yepeyepé miraitá ta umuñhã kuayé. Pemaã kuá VÍDEO.

VÍDEO: Mayé yapoderi yamukirimbá yané amizade Jeová irum? (1:11)

Peleri João 17:3 asuí Tiago 1:5. Ariré pekuntari kuá resé:

• Maã upoderi uajudari yepé mira uyupreparari uyubatizari arama?

1. Yameẽ yané vida Jeová supé mairamé yambeu ixupé yaputari yamuñhã ivontade pañhe ara

2. Yayubatizari ramé yaxari miraitá ta ukuá yameẽwaá yané vida Deus supé

6. Yayubatizari ramé yayeréu Jeová anama

Yayubatizari ramé yaganhari yepé anama yepewasuwaá pañhe kuá mundo upé. Ti importante yané retama u yané mirasá, pañhe yandé yaruyari yepewasú asuí yasendú maã Deus umunduwaá. Peleri Salmuitá 25:14 asuí 1 Pedro 2:17. Ariré pekuntari kuá resé:

• Yayubatizari riré, mayé upitá yané amizade Jeová irum asuí amú miraitá irum ta uadorariwaá aé?

MAÃ REYUMBUÉ

Jesus umbué cristãoitá ta urikuté ta uyubatizari. Uyubatizari arama yepé mira uprecisari uruyari kirimbá Jeová resé, umuñhã pañhe maã aé umbeu satambikawaá asuí umeẽ ivida ixupé.

Remanduári arama

• Maã batismo, asuí marã aé importante?

• Maã yepé mira uxari ta ukuá uyubatizari ramé?

• Maã yepé mira urikuté umuñhã umeẽ rundé ivida Jeová supé asuí uyubatizari?

REPUTARI SERÁ REKUÁ PIRI?

Reyumbué maã batismo supiwaá.

“Maã batismo?” (Artigo do jw.org)

Remaã maã yepé mira uprecisari umuñhã uyubatizari arama.

“Usaisú ramé asuí umukuekatú ramé Jeová supé urasú yepé mira uyubatizari arama” (A Sentinela, março de 2020)

Remaã marã yepé apigá uparawaka uyubatizari.

“Aintá ta uputari akuá arama se piá upé awasemu supiwaá” (A Sentinela, 1.º de fevereiro de 2013)

Remaã marã batismo yepé maã iportantewaá asuí mayé repoderi reyupreparari reyubatizari arama.

“Será arikuté ayubatizari?” (Os Jovens Perguntam — Respostas Práticas, Volume 2, capítulo 37)