3 Yaan u kʼubik junpʼéel parte tiʼ le ofrenda utiaʼal múul janal bey junpʼéel ofrenda ku tóokaʼal utiaʼal Jéeobaeʼ.+ Lelaʼ letiʼe baʼax ken u kʼubaʼ: le tsaats+ yaan tu yóokʼol u choochel le baʼalcheʼoʼ bey xan tuláakal le tsaats baʼpachtmil le choochoʼ. 4 Yaan xan u kʼubik le kaʼapʼéel riñónoʼob yaan naatsʼ tiʼ le lomooʼ bey xan le tsaats yaan tu baʼpach le riñónoʼoboʼ. Letiʼ xaneʼ yaan u luʼsik le tsaats yaan yóokʼol le táamnoʼ. Lelaʼ yaan u luʼsik paʼteʼ yéetel le riñónoʼoboʼ.+ 5 U hijoʼob Aarón túuneʼ yaan u tsʼáaikoʼob tuláakal le baʼaloʼob yóokʼol le ofrenda utiaʼal múul janal táan u yelel+ teʼ altaroʼ. Lelaʼ junpʼéel ofrenda ku tóokaʼal utiaʼal u butsʼilankil tu táan Jéeoba, junpʼéel baʼal kiʼibok tu táan.+