9 Eliseo túuneʼ tu tʼanaj juntúul tiʼ u hijoʼob le profetaʼoboʼ ka tu yaʼalajtiʼ: «Preparartaba,* chʼaʼ le chan nuʼukul yaan aceite ichilaʼ ka séeb xiʼikech Ramot-galaad.+ 2 Le kéen kʼuchkech teʼeloʼ kaxt Jehú+ u hijo Jeosafat u hijo Nimsí. Ooken teʼ tuʼux yanoʼ, junpáaykunt tiʼ u maasil máakoʼoboʼ yéetel bis teʼ cuarto yaan maas paachiloʼ. 3 Chʼaʼ túun le nuʼukul yaan aceite ichiloʼ, yal le aceite tu pooloʼ ka a waʼaltiʼ: ‹Lelaʼ letiʼe baʼax ku yaʼalik Jéeobaaʼ: «Kin yéeykech utiaʼal ka a beet a reyil yóokʼol Israel»›.+ Le kéen tsʼoʼokkeʼ jeʼekʼabt le jooloʼ ka púutsʼkech tu séebaʼanil».

30 Jezabel+ túuneʼ tu yojéeltaj tsʼoʼok u kʼuchul Jehú tu kaajil Jezreel.+ Le beetkeʼ tu bonaj u yichoʼob* yéetel box pintura, tu jatsʼutskíintaj u tsoʼotsel u pooleʼ ka paakatnaj kabal desde teʼ ventanaoʼ. 31 Le táan kaʼach u yokol Jehú tu joonajil le kaajoʼ Jezabeleʼ tu yaʼalajtiʼ: «¿Bin utsil wa tiʼ Zimrí, le máax tu kíimsaj u tsʼuuliloʼ?».+ 32 Jehú túuneʼ paakatnaj kaʼanal tu tojil le ventanaoʼ ka tu yaʼalaj: «¿Máax apoyarken? ¿Máaxiʼ?».+ Tu séebaʼanil túuneʼ kaʼatúul wa óoxtúul máakoʼob tsʼaʼantiʼob autoridad tumen le reyoʼ tu paktoʼob Jehú desde teʼ kaʼanal tuʼux yanoʼoboʼ. 33 Jehúeʼ tu yaʼalajtiʼob: «¡Píikchʼinteʼex kabal!». Letiʼob túuneʼ tu píikchʼintoʼob Jezabel, le ka lúubeʼ u kʼiʼikʼeleʼ wíitsʼ tiʼ le pakʼoʼ bey xan tiʼ le tsíiminoʼoboʼ. Jehú túuneʼ tu beetaj u tsʼatsʼaʼchaʼataʼal tumen le tsíiminoʼoboʼ.