9 Le ka tsʼoʼok u beetaʼal le baʼaloʼobaʼ, le príncipeʼoboʼ tu natsʼubaʼob tin wiknaleʼ ka tu yaʼaloʼob: «U kaajil Israel, le sacerdoteʼob yéetel le levitaʼoboʼ maʼ u náachkuntubaʼob tiʼ le kaajoʼob yaan tu baʼpachoʼoboʼ: tiʼ le cananeoʼoboʼ, tiʼ le ititaʼoboʼ, tiʼ le perizitaʼoboʼ, tiʼ le jebuseoʼoboʼ, tiʼ le ammonitaʼoboʼ, tiʼ le moabitaʼoboʼ, tiʼ le egipcioʼoboʼ+ yéetel tiʼ le amorreoʼoboʼ.+ Maʼ u náachkuntubaʼob xan tiʼ le baʼaloʼob kʼaastak+ ku beetik le kaajoʼobaʼ. 2 Letiʼob yéetel u paalaloʼobeʼ tsʼoʼok u tsʼoʼokol u beeloʼob yéetel jujuntúul tiʼ le koʼoleloʼob yanoʼob teʼ kaajoʼoboʼ.+ Bey túunoʼ le kaaj santo tu táan Diosoʼ+ tsʼoʼok u xaʼakʼbeskuba yéetel u kajnáaliloʼob le kaajoʼobaʼ.+ Le príncipeʼob yéetel le máaxoʼob ku nuʼuktajoʼoboʼ letiʼob u poolil le baʼax jach kʼaasaʼ».

3 Chéen pʼel tu yuʼubil le israelitaʼob le baʼax ku yaʼalik le Leyoʼ ka joʼopʼ u jóoʼskoʼob tu kaajil Israel tuláakal le máaxoʼob táanxel luʼumil u taaloʼoboʼ paʼteʼ yéetel u paalaloʼob.+