10 «Lelaʼ letiʼe baʼax ku yaʼalik Jéeobaaʼ: ‹Teʼexeʼ bíin a waʼaleʼexeʼ le luʼumaʼ bey junpʼéel desiertoeʼ, minaʼan mix juntúul máakiʼ yéetel minaʼan mix juntúul baʼalcheʼiʼ. Le u kaajiloʼob Judá yéetel le u bejiloʼob Jerusalén bey junpʼéel desierto tuʼux mix juntúul máak, mix juntúul kajnáal yéetel mix juntúul baʼalcheʼ yanoʼ, 11 yaan u kaʼa uʼuyaʼal u juum u cheʼej máakoʼobiʼ, u juum máakoʼob sen kiʼimak u yóoloʼob,+ u juum u tʼaan noviotsil bey xan u tʼaan noviatsil, yéetel u juum u tʼaan le máaxoʼob aʼalik: «¡Tsʼáaʼex gracias tiʼ Jéeoba, le máax gobernartik le ángeloʼoboʼ, tumen Jéeobaeʼ jach uts,+ yéetel tumen u nojoch yaabilajeʼ utiaʼal mantatsʼ!»›.+

Jéeobaeʼ ku yaʼalik: ‹Letiʼobeʼ yaan u taaskoʼob ofrendaʼob tu yotoch Jéeoba utiaʼal u tsʼáaikoʼob gracias,+ tumen teneʼ yaan in sutik le máaxoʼob bisaʼanoʼob táanxel luʼumiloʼ, letiʼobeʼ yaan u pʼáatloʼob jeʼex yaniloʼob kaʼacheʼ›».