23 Le ka máan tiempoeʼ kíim u reyil Egipto,+ chéen baʼaleʼ le israelitaʼoboʼ seguernaj u esclavizartaʼaloʼob. Yoʼolal leloʼ seguernaj u yáakamoʼob táan u kʼáatkoʼob ka áantaʼakoʼob, tuláakal lelaʼ kʼuch tu yiknal le u jaajil Diosoʼ.+ 24 Le ka máan kʼiineʼ Dioseʼ tu yuʼubaj bix u yáakam+ le israelitaʼob ikil u muʼyajoʼoboʼ, Dios túuneʼ tu kʼaʼajsaj le pacto* u beetmaj yéetel Abrahán, Isaak yéetel Jacoboʼ.+ 25 Dios túuneʼ tu paktaj le israelitaʼoboʼ ka tu yilaj bix u sen muʼyajoʼob.

7 Jéeobaeʼ tu yaʼalaj xan: «Teneʼ tsʼoʼok in wilik bix u sen muʼyaj in kaajal tu luʼumil Egipto, yéetel tsʼoʼok in wuʼuyik bix u sen kʼáatkoʼob áantaj ikil u obligartaʼaloʼob sen meyaj. Teneʼ jach in wojel baʼaxoʼob ku muʼyajtikoʼob.+