• 2 Crónicas 36:15, 16
    U Tʼaan Dios utiaʼal u Kajnáaliloʼob le Túumben Luʼumoʼ

    • 15 Jéeoba u Dios u yúuchben láakʼtsiloʼobeʼ maʼ xuʼul u túuxtik máakoʼob utiaʼal u kʼaʼajsik u yiikʼoʼobiʼ, lelaʼ yaʼab u téenel tu beetaj tumen tu chʼaʼaj óotsilil tiʼ u kaajal bey xan tiʼ le lugar tuʼux kajaʼanoʼ. 16 Chéen baʼaleʼ letiʼobeʼ maʼ xuʼul u burlarkoʼob le máaxoʼob ku túuxtaʼal tu yiknaloʼob tumen le u jaajil Diosoʼ,+ maʼ tu yóotaj u yuʼuboʼob u tʼaanoʼobiʼ,+ yéetel tu burlartubaʼob tiʼ u profetaʼob Dios.+ Maʼ xuʼul u beetkoʼob tak ka pʼuʼuj Jéeoba tu contraʼobiʼ,+ seguernaj u beetkoʼob tak ka pʼáat maʼ tu páajtal u tsʼaʼakaloʼob.

  • Isaías 42:24
    U Tʼaan Dios utiaʼal u Kajnáaliloʼob le Túumben Luʼumoʼ

    • 24 ¿Máax kʼub Jacob tiʼ le máaxoʼob ku chʼaʼikoʼob baʼax yaan tiʼ máakoʼ?

      ¿Máax kʼub Israel tiʼ le máaxoʼob ku tokikoʼob le baʼaxoʼob u tiaʼal máakoʼ?

      ¿Maʼ wa Jéeoba kʼuboʼobiʼ, maʼ wa tu contra letiʼ kʼebanchajoʼobiʼ?

      Letiʼobeʼ maʼ tu yóotoʼob xíimbal tu beeloʼobiʼ

      yéetel maʼ tu beetoʼob baʼax ku yaʼalik u leyiʼ.*+

  • Jeremías 40:2, 3
    U Tʼaan Dios utiaʼal u Kajnáaliloʼob le Túumben Luʼumoʼ

    • 2 Ka tsʼoʼokeʼ Nebuzaradán u nojchil le soldadoʼob kanáantik le reyoʼ, tu bisaj Jeremíaseʼ ka tu yaʼalajtiʼ: «Jéeoba a Dios aʼalmil yaan u taal le nojoch loob tu yóokʼol le luʼumaʼ. 3 Jéeobaeʼ tsʼoʼok u béeykuntik jach jeʼex u yaʼalmiloʼ, tumen teʼexeʼ kʼebanchajeʼex tu táan Jéeoba, yéetel maʼ ta wuʼuyeʼex u tʼaaniʼ. Le oʼolal ku yúuchulteʼex le baʼaloʼobaʼ.+