• Salmo 15:1-5
    U Tʼaan Dios utiaʼal u Kajnáaliloʼob le Túumben Luʼumoʼ

    • 15 Jéeoba Dios, ¿máax jeʼel a kʼamik bey uʼulab ta wotocheʼ?

      ¿Máax jeʼel u béeytal u kajtal teʼ montaña a yéeymoʼ?+

       2 Letiʼe máax maʼatech u beetik baʼax kʼaasoʼ,+

      le máax ku beetik baʼax maʼalob+

      yéetel tu puksiʼikʼal ku jóokʼol le baʼax ku yaʼalikoʼ.+

       3 Maʼatech u meyaj u yaakʼ utiaʼal u líiʼsaj tʼaan,+

      mix junpʼéel kʼaas ku beetik tiʼ u yéet máakil+

      yéetel maʼatech u tʼaan kʼaas* tiʼ u amigoʼob.+

       4 Maʼatech u biskuba yéetel máaxoʼob pʼektaʼanoʼob tumen Dios,+

      pero jach ku respetartik le máaxoʼob meyajtik Jéeobaoʼ.

      Wa tsʼoʼok u yaʼalik u beetik junpʼéel baʼaleʼ, ku beetik kex maʼ chéen chʼaʼabiliʼ.+

       5 Kéen u tsʼáa u taakʼin majáantbileʼ maʼatech u cobrartik interés,+

      maʼ tu chaʼik u maʼanal utiaʼal u yaʼalik culpable juntúul máak inocente.+

      Le máax ku beetik beyaʼ mix bikʼin kun péeksbil tuʼux yaan.+

  • Salmo 84:1-4
    U Tʼaan Dios utiaʼal u Kajnáaliloʼob le Túumben Luʼumoʼ

    • 84 Jéeoba,* ¡jach in yaabiltmaj

      a kiʼichkelem tabernáculo!+

       2 Jach kin tsʼíiboltik

      in wantal tu táankabil u yotoch Jéeoba,+

      kin wuʼuyik taʼaytak in desmayar.

      Yéetel tuláakal in puksiʼikʼal yéetel in muukʼ kin tʼanik le Dios kuxaʼanoʼ.

       3 Tak le chʼíichʼoʼob ku kajtaloʼob ta wotochoʼ,

      tiʼ ku beetik u kʼuʼ le kosomoʼ,*

      ku kanáantik u mejniloʼob

      naatsʼ tiʼ a kiʼichkelem altar Jéeoba,*

      in Rey, in Dios.

       4 ¡Kiʼimak u yóol le máaxoʼob kajaʼanoʼob ta wotochoʼ!+

      Mantatsʼ táan u alabarkechoʼob.+ (Séla)