9 Le ka lukʼ Jesús teʼeloʼ ook teʼ sinagogaoʼ. 10 Teʼeloʼ tu yilaj juntúul máak tikin* junpʼéel u kʼabiʼ.+ Le máakoʼob túunoʼ utiaʼal u kaxtikoʼob baʼax oʼolal u takikoʼob u pooleʼ tu kʼáatoʼobtiʼ: «¿Maʼalob wa ka tsʼaʼakak máak tu kʼiinil sábado?».+ 11 Jesúseʼ tu yaʼalajtiʼob: «Wa juntúul tiʼ teʼex chéen juntúul u yalakʼ taman yaan, chéen baʼaleʼ ku lúubul ichil junpʼéel jool tu kʼiinil sábadoeʼ, ¿máasaʼ jeʼel u bin u jóoʼseʼ?+ 12 Wa beyoʼ, ¿maʼ wa maas koʼoj u tojol juntúul máak ke juntúul tamaniʼ? Le oʼolaleʼ maʼalob ka beetaʼak baʼax uts tu kʼiinil sábado». 13 Ka túun tu yaʼalaj tiʼ le máakoʼ: «Tichʼ a kʼab». Letiʼeʼ tu tichʼaj u kʼabeʼ ka utschaji, ka pʼáat maʼalobil jeʼex le uláakʼ u kʼaboʼ. 14 Chéen baʼaleʼ le fariseoʼoboʼ jóokʼoʼobeʼ ka joʼopʼ u múuchʼ tuklikoʼob bix jeʼel u páajtal u kíimskoʼobeʼ.

3 Ka ook Jesús tu kaʼatéen tiʼ junpʼéel sinagogaeʼ tu yilaj juntúul máak tikin* junpʼéel u kʼab.+ 2 Le fariseoʼoboʼ jach taak kaʼach u takikoʼob u pool Jesús, le oʼolal táan kaʼach u yilkoʼob wa yaan u tsʼakik le máak tu kʼiinil sábadooʼ. 3 Jesús túuneʼ tu yaʼalaj tiʼ le máak tikin u kʼaboʼ: «Líiʼkech ka waʼalakech chúumuk». 4 Ka tsʼoʼokeʼ tu yaʼalajtiʼob: «¿Baʼax ku chaʼabal u beetik máak tu kʼiinil sábado? ¿Junpʼéel baʼal uts wa junpʼéel baʼal kʼaas? ¿U salvartaʼal junpʼéel kuxtal wa u xuʼulsaʼal?».+ Chéen baʼaleʼ letiʼobeʼ maʼ tu núukoʼob mix baʼaliʼ. 5 Le ka tu paktaj Jesús le máakoʼob yanoʼob tu baʼpachoʼ kʼuuxilnaji yéetel jach yaachaj u yóol tumen letiʼobeʼ jach chich u puksiʼikʼaloʼob,+ letiʼ túuneʼ tu yaʼalaj tiʼ le máakoʼ: «Tichʼ a kʼab». Letiʼeʼ tu tichʼeʼ ka utschaj u kʼaboʼ. 6 Le ka tu yilaj le fariseoʼob le baʼax tu beetaj Jesúsoʼ jóokʼoʼobeʼ ka tu muchʼubaʼob tu séebaʼanil yéetel le máaxoʼob tsaypachtik Herodesoʼ,+ tu muchʼubaʼob utiaʼal u chʼaʼtuklikoʼob baʼax ken u beetoʼob utiaʼal u kíimskoʼob Jesús.